Ancje nô, come il NP, no podìn no ricuardâ il mût di dî gras come un faìn che si riferìs a une persone tarondite. Nol è clâr se, cun faìn, si vueli indicâ il mascli de faìne o altri.
In cierts dialets dal Venit il tiermin masculin fuìn si riferìs ae faìne e no si à di escludi che ancje il furlan, une volte, al ves une forme masculine. Al somee che Rapelli 1995 si orienti suntune forme contrate di Fadìn (viodi Fadìni).
Cognon tipic di Cormons; presint ancje a Udin e a Gurize (un cognon identic a Forno di Zoldo in provincie di Belum).
fonts
1395 Faynos Judei a Cividât (Corgnali); 1608 Michel Faino di Brazzano, fittuale Coo. Florio (ASU Florio 316); 1616 Mattia Fain de S. Maria la Longa (ACAQ 894); 1647, ai 18 di Fevrâr Domenego fig.° di Batta Faino di Colloreto di Prato sposa Lucia figlia di Batta Geatto di Bressa (A.P. Bresse); 1691, ai 2 di Avost don Gio. Batta Fain di Leon. da Cormons nato 1665 lo zio paterno Paolo Fain q. Giacomo gli fa patrim. eccl. Studiava nel Semin. di Gradisca (Patriarcalis); 1695 testam. di Pasqua moglie di mistro Gio. Batta Faino di Colloredo di Prato (ASU CRS 194/2); 1695 Gioseffo Faino lascia alla Fraterna del Rosario di Colloredo di P. un campo in via Tarbana coll’onere di Messe 4 annue (ASU Perusini 98); 1715 Ser Giacomo Fain della Vicinia di Cormons (ACAU 726/1); 1828 al ven ordenât predi Pietro Fain, nassût a Cormons tal 1801 (Nazzi, 1992); 1872, ai 9 di Otubar don Domenico Faini da Corno di Rosazzo sacerdote in Concordia (AB); 1929 Faìn 10 fameis a Cormons (Corgnali).