Par De Felice 1978 al derive di faggio, (faiâr par furlan), l'arbul elegant e innomenât. Nô no lassaressin di bande il venezian fagia “la union di tantis manis o manelis di blave, che si lein in fas" (Boerio); il trevisan al à faja, cuntun significât identic. Cun reson Simionato 1995 al fâs osservâ che Faggiàn al pararès une variante dialetâl ipercorete dal sostantîf fagiano “uciel dal ordin dai galinacis". La forme Faggiàn si le cjate tal Venit, massime a Vignesie e Padue, e e je a pene presinte a Pordenon. Faggiani al è tipic di Roncjis e di Tisane; si lu cjate ancje a Vildivar, Udin, Lugugnane, Codroip, Gurize, San Ganzian, Pordenon, Lignan, Prissinins, Rivignan. No si cjate in zonis dulà che il faiâr al cjape, ni al podeve cjapâ ai timps che si son formâts i cognons.