Cognon di Grau derivât de cognominizazion di un sorenon di une famee de Grassi li che il progjenitôr si clamave Mistro Florian Carniello. La prime aparizion dal non e va indaûr al 1633, e e regjistre la nassite di Albiero Fanò, fi di Francesco Cargnello e di Lucia (Scaramuzza, 2001). Il stes autôr al dîs Fanò già Fianon, ma nol sclarìs la origjin di Fianon.

Par Rapelli 1995 “dal venit *Fanòto, forme scurtade di *Tofanòto, che al ven di Tòfano, un dai cjarinatîfs venits di Cristòforo, ben documentât te Ete di Mieç". Mancul probabil, ma no si à di scartâlu, un etnic di Fano, citât des Marcjis. Si lu cjate a Lignan.