Un dai tancj cognons derivâts dal sorenon e non medievâl Ferro (viodi). Par Rapelli 1995 “in Ferracìn / Ferracìni o vin -c- par italianizazion parcè che la forme base e je il venit Ferazìn “. Tal furlan al à di jessi stât alc di simil par vie che a Glemone al è il sorenon di famee Feragìn tra i Vale.
Il cognon al è tipic dal Venit; te nestre regjon si lu cjate a Pasian di Pordenon e a Codroip; a Pordenon te forme Ferracini.
fonts
1654, ai 15 di Jugn Francesco Ferraccio lapicida da Cividale – cita don Andrea Scabino vicario di S. Pietro in Volti (Filze); 1719 Cap. Dom.co Ferracina d’Udine acquista dal Co. Florio 2 Botti Vino della Cantina di Persereano (ASU Florio 316); 1761, ai 28 di Avost Il consiglio di Pordenone delibera il restauro, o meglio, la ricostruzione del ponte sul Noncello, colla sopraintendenza però sempre del noto Ferracina, a cui si è affidata l’opera (Candiani 1902); 1766 Andrea Ferrazin, teste in Tesis (ASU CRS 521); 1774, ai 20 di Avost Sig. Antonio Ferracin – interveniente per Osp. Udine in Venezia (Osp. 305,23); secul XVIII architetto Ferracina – riforma e rinsalda il ponte del Noncello a Pordenone (Bartoloniana F III 99 p. 29); 1980 il zuiadôr di bale tal zei Vittorio Ferracini, nassût a Pordenon tal 1951, al è medaie di arint cu la Nazionâl tes olimpiadis (Nazzi, 1992).