Francescùt, Francescutti, Francescutto
Di Francescùt, diminutîf di Francésc “Francesco", che al è za presint tal NA cun Francischutus de Manzano. Tal 1382 un Odorico del fu Francescutto di Voleson; tal 1504 Tonia fya de Lenardo de Franciscut de Bagnarola. Tal Schedari Corgnali: 1339 Franciscuto de Tulmino; 1348 Franciscuttus a Udin; 1406 Ser Franciscuto q. D. Zanini de Monteregali; 1476 Jacobo q. Franciscuti a Vivâr.
La forme Francescùt e je tipiche di Cjasarse; si cjate ancje a Cordenons (1608 Toni de Francescut), Darzin, Vildiflum, Udin, Pordenon.
Ancje Francescutti al è tipic di Cjasarse; si lu cjate ancje a Udin, Pordenon, Codroip, Vildiflum, San Vît e Bresse di Cjampfuarmit (di Sanvidot di Cjamin dal Tiliment tai prins dal Votcent).
Francescutto al è carateristic di San Vît, ma al è presint ancje a Cjasarse; al è a Codroip. Zucchiatti 2000 al ricuarde un toponim antîc logât te ultime part dal teritori di Feagne, de bande di Plasencis 1639 loco d:to Chiasotis sive Franciscuto; 1647 il Campo Franciscut in Chiasotis.
fonts
1348 Franciscuttus a Udin (Corgnali); 1446 Culau de Francescut da Cordenons fittuale Sigg. Popaite (ASU Popaite 1.1); 1504 Acquisto di Bortolomio Grandi detto Mio q. Pietro Miola da Goricizza dà Michiel Franciscuto q. Giac. de Novella, di casa in Cortina Codroipo (ASU CRS 192/3); 1570 presints a San Zuan di Cjasarse Olivo Francescutti q. Mattia e Battista Francescutti di Bartolomeo (Luchini, 1995); 1628 Pietro Francescutti, -o, fittuale della Chiesa di S. Gio. Battista di S. Giovanni di Casarsa (ASU CRS 444); 1660 Zuan Franciscuto della Vicinia di Muscleto (ASU CRS 294/1); 1687 Ser Zuanne Francescutto habit. in Spilimbergo (ASU CRS 497/3); 1752 al rive a Cjasarse, rivât di San Zuan, Olivo Francescutti q. Zuan, maridât cun Lucia Cilese (Luchini, 1995); 1756 Bidin (o Bidon) o meglio Dom.co Francescutto di Prodolon fittuale nobb. Prodolone (ASU Perusini 592); 1765 Dom.co e Figlio Francescutti detti Bidoni fittuali in Prodolone dei nobb. Colloredo (ASU Perusini 744); 1773 Gio. Batta Figlio di Dom.co Francescutto d.° Bidone di Prodolone fittuale dei nobb. Colloredo (ASU Perusini 744); 1778 Osualdo Franciscutto della Vicinia “a Parte Austriaca” di Virco (ASU CRS 844 bis); 1780 al nas a San Vît dal Tiliment Antonio Francescutto dit “Blausan” (Savorgnano, 2002); 1792 Batista Francescut in Fraterna S. Valent. di S. Vito (ASU CRS 454/4); 1800 giunge a Bressa Giuseppe Francescutti di S. Vidotto di Camino di Codroipo (A.P. Bresse); 1815 Luigi Francescuti di Pasquale nato in Bugnins nel 1793, abit. in Camino, sposa Rosa Farese di Osvaldo da S. Lorenzo di Valvasone (A.P. Cjamin); 1914 la famee di Pietro Francescutti di Savorgnan dal Tiliment si compon di 20 personis (Savorgnan, 2002).