Intal Schedari Biasutti o cjatìn: 1525, ai 2 di Avrîl Nic. q. Dom. de Fais de Implans di Piano Arta (AB); 1568 Domenica q. Leon. Del Blanch detto Bodich vedova di Giovanni q. Alessio de Faijs q. Michele q. Domenico da Piano Arta si risposa con Andrea Somma (Filze). E je la localitât Fàis di Dimplan “sot de vecje scuele di infanzie, a man çampe de strade erte che e mene ae glesie, al è un grup di 4-5 cjasis che a fasin part dal borc di Pradéit, ancje se a son par cont lôr. Chest grup di cjasis al ven clamât Fàis" (Banelli, 2001, 166). La localitât e je documentade dal secul XIII: 1277 de Fays de Plano, 1358 villa de Fais de Plano, 1423 de villa de Fays, e v.i. No si à di confondilu, al è clâr, cul cognon sart Fais che al è il plurâl di famee di Fai / Fae “fave" (Pittau, 1990). Intal Schedari Corgnali: 1468 Joh. de Fays a Tumieç; 1468 Jacobo de Fays de Plano; 1544 M.° Mia Faisi di Pordenon; 1586 m.° Zuamp.° Faysi de Confr. di Sant Alò di Pordenon.