In principi al podeve riferîsi ae lame di cualchi imprest o arme, ma "lame" al è ancje un tiermin gjeografic che al vûl dî “tieris bassis cun aghe" e, cun chest significât, al pues vê formât toponims e duncje cognons. Cognon di Marsuris (Davian) (1756 Antonio q. Gio. Maria Lama de Marsure).

Si lu cjate a Gurize; al à nuclis a Agliana (PT), Guglionesi (CH) e di altris bandis (CI 952). Forsit dal non di persone Amanda.

Slargjât tal Sud Italie, al è formât di Lamagna (interpretât par etimologjie popolâr tant che La Magna o Manna, sul model dai cognons meridionâi determinâts dal articul lo o la), variante antighe di Alamagna o Alemagna, tiermin che une volte si doprave par definî la Gjermanie, massime chê meridionâl, plui dongje de Italie (De Felice, 1978). Par Caracausi 1993 al sarès, invezit, il feminin di Manno, Mannus tal latin medievâl, ipocoristic aferetic di nons in –manno, tant che Alamanno, Ermanno, Riccomanno, o dret dal gjermanic *Manni. Il stes autôr al propon ancje un confront cul sicilian manna “mane" e àrvulu di manna “vuar". Cognon presint a Udin.