Il cognon sloven Lauretig / Lavrétič tal 1600 al jere slargjât soredut inte zone di Stregne (Varc, Pudigori, Cernetig). Si supon che di li al sedi emigrât subit a Jessize dongje Cravar in comun di San Lenart. Vuê al è une vore presint tai comuns di Stregne e di San Lenart, ma si lu cjate ancje a Cividât e te planure furlane dulà che al è emigrât soredut dopo de seconde vuere. Al derive dal non di persone talian Lorenzo (lat. Laurentius, fur. Laurinç) midiant de forme contrate slovene Lavrè (al gjenitîf Lavreta) cu la solite formante -ič (scrit -ig). Al vûl dî, duncje, "il fi di Laurinç" (Zuanella, Dom, 12, 1988).