Al ven di dalessan, “abitant di Dalès", cu la disparizion de prime part (aferesi) e la zonte dal sufìs diminutîf classic -ut. Intai paîs dongje di Dalès in plui che dalessan si dîs ancje lessan e al feminin lessana (1578 D. Petrus q. Leonardi de Allessio appellatus Lessan Glemona habitantis).
Dalès al jere villa annessa ae Terra di Tolmezzo e chest al è un cognon tipic di Tumieç. Tal 1779 fra lis "Fameis origjinariis che a esistin te Tiere di Tumieç" a son Mattia Lessana, Antonio Lessana, Giuseppe Lessanutto, Giorgio Lessanutto, e v.i.
fonts
1429, ai 18 di Otubar Giovanni Lisanuti de Verzegnis teste in Tolmezzo (ANU 3873); 1604 Giacoma di Martino Lessanutto q. Zuane q. Leonardo da Verzegnis sposa Daniele di Mattia Bueria (Filze); 1755 Ilario di Franc. q. Antonio Lessanutto q. Gius. q. Antonio da Tolmezzo sposa Maria Pizochera ved. q. Nicolò Flamia (Filze).
Il Schedari Biasutti al documente une vore ben ancje la forme Lessàn:
1650, ai 23 di Mai don Antonio Lessano da Raccogliano – cura d’anime coop. in Chiopris (Patriarcalis); 1671 Bernardino e Andrea d.° Bolia f.lli q. Franc. Lessani / -o de Gemona (ACR 236/2); 1779, ai 20 di Zenâr Francesco Lessano di Antonio da Gemona abit. in Udine S. Pietro sposa Caterina q. Franc. Marac da Gradisca Isonzo da 15 anni cameriera in Casa Caimo (Filze); 1782 don Bernardinus Lissanus de Glemona al è predi (ACAU).