Al è probabil che al sedi un non di mistîr. Il lizzêr al jere (NP) il “costrutôr di liçs pai telârs". I liçs (fr. liz) a son “une schirie di filis stuartis tant che spali che a coventin par alçâ e sbassâ lis filis de urdidure, par passâ dentri la trame tal tiessi la tele" (NP). La pronuncie e varès di jessi duncje Lizzéro e no Lìzzero. Une conferme di chest si le po cjatâ tai viers di un Anonim dal secul XVI, cemût che a son ripuartâts dal NP te vôs Strabasavóns:
Lu bon Lizér, chu fo dai vuestris vons
E dai strabasavóns lu zoc plui vieli...
La spiegazion compagne e ven dade di Rapelli 1995 pal cognon veronês Lizzari (dal veronês antîc lizàr “"). Viodi ancje Liziér.
Il cognon si cjate a Cividât.
fonts
1448, ai 3 di Fevrâr Leonardo q. Gio. Lizir (capostipite) di Prestento – teste in Cividale (ANU 709 not. Gio. Bon); 1465, ai 26 di Lui Leonardo Signor q. Gio. Liçer di Presento compra 1 St. affitto o livello da Ant. f. di Mirie di Canciano di Prestento (ANU 711); 1569, ai 6 di Mai Temporina Lizzero di m.° Leon. di Ant. da Cividale – pretendeva essere sposata con Daniele q. m.° Giac. de Orceto (mi pâr di lei cussì) di Cividale (Mandatorum); 1618, ai 4 di Jugn m.° Michiel Lizerio da Cividale – lega duc. 10 per 2 messe a Confr. Crocifisso (ACR 81/1); 1619, ai 14 di Mai m.° Francesco Lizer (o Lizero) q. m.° Michele muratore da Cividale (Testimoni 2); 1630 campo già tenuto per i Lizers di Noiaret (ACR 279/1 c.100).
Par Biasutti e je une variante dal non Lazzaro.