Il cognon Lúszach al ven dal toponim Lúža. Cheste localitât si cjate daprûf la strade Clodicj-Podlac, dongje di Costne (comun di Grimac). Culì a son in dì di vuê diviers stalis, doprâts par vieri par tignî cont il fen, ma, cemût che al ven fûr dai libris de parochie di San Lenart, tal 1600 e jere une localitât abitade. Lúszach / Lúščak al indicave in principi l’abitant o la persone che e ven di Lúža e al è nassût cu la formante dialetâl slovene -ščak. Al è tipic di Costne e, di ca, si è slargjât te Val di San Lenart, a Cividât e te planure furlane (Zuanella, Dom, 3, 1988; 18, 1990).