Formât dal non di persone Mauro e dal sufìs patronimic sloven -ič (culì scrit -ig, in altris câs -ich o -igh). Si che duncje, al sta par "il fi di Mauro". Al è un cognon tipic dal Cuei sloven di dulà che al è migrât a Brize di Cosbane dongje Savogne (Zuanella, Dom, 18, 1991). Te seconde metât dal Cinccent a 'Sapatoc, su la rive çampe dal Judri, Simon filius Maurijtz de Sapatok, Eller Maurijtz de Sapothock (Libri de “fraterne" di Madone di Mont). Presint ancje a San Zuan dal Nadison. Come Maurich si cjate a Udin e come Maurigh a Pavie.