Cognon di Paulâr di significât no clâr. Al podarès jessi l'incressitîf dal non antîc di persone Maggio in version furlane "Mai" (ma no vin atestazions pal Friûl), o di une variante dal incressitîf di Meo, forme diminutive di Bartolomeo. O ben, in maniere plui semplice, di un incressitîf di mài e, duncje, derivât in origjin di un sorenon di mistîr o che al indiche une persone tressade in maniere particolâr. Maion de Raschia (Roscjà di Faedis) tal 1401 (Corgnali); Maion Lorenza di Vile di Mieç di Paulâr e je regjistrade tal 1562. Il cognon Maión al è tipic ancje di Cale in comun di Pulfar (1624 Pieri Maionij de Cala; 1628 Hermacora Malion de Calla; 1632 Pietro Maglion de Calla). Di ca si è slargjât tai paîs dongje e plui indevant ancje a Cividât (Zuanella, Dom, 12, 1998).