Cognon une vore cognossût in Friûl in graciis dal Istitût tecnic udinês, che al à dât fûr centenârs di perîts, intitulât al sienciât Arturo Malignani origjinari di Torean.
Di là di une atestazion dal 1591 relative al nob. Rugerio Malignano di Rimini abit. in S. Vito al Tagl. (ANU 3941), dutis chês altris a son stadis cjatadis fûr tal comun soredit li che, però, a convivin cul simil Malagnino. Corgnali, tal so Schedari, al somee fâ la ipotesi di une derivazion di Malìna. Chest al è un toponim sloven (al vûl dî “lavine, slac") no râr e, come Melìna, al è presint ancje in comun di Torean dongje di Cjanalut. Al podarès jentrâ in zûc, dut câs, ancje il sloven málin “mulin" che in areis slovenofonis al à dât fûr toponims tant che Malînan, Ta-na-malînan (Merkù 1997, 138) e simii.
fonts
1635 Steffano Malignan di Torreano (Corgnali); 1685 don Grigorius Malignanus di Stefano q. Zuanne e Bernardina di Torreano nato nel 1660 al è predi (ACAU); 1773 Valentino Malignani q. Antonio notaio da Torreano (ASU); 1790, ai 24 di Avost don Agostino Fadone da Torreano Cividale si oppone a patrim. eccl. di Dom. Mattia Malignano per suoi crediti col nonno Domenico Malignano (Filze); 1816 Lucia Malignani nata in Torreano nel 1781, possidente, figlia di Valent. P.co Nodaro di Torreano, sposa Gio. Giuseppe Cudiz da Torreano (A.P. Pristint); 1854 Giuseppe Malignani pittore da Torreano – Restaura per £ 80 un dipinto su tavola con S. Caterina nella sagrestia duomo di Udine (AB); 1939 al mûr il fotograf e inventôr Arturo fi di Giuseppe Malignani, nassût a Udin tal 1865 (Nazzi, 1992).