Par Olivieri 1923, plui che un diminutîf dal non medievâl Manfro, al podarès jessi une forme scurtade di Manfredìn, che al è diminutîf di Manfredo, non di persone di divignince gjermaniche.
Nol è di lassâ fûr manfrìn “origjinari dal Monferrato" (pensâ ae danze clamade manfrìna).
Manfrìn al è un dai cognons carateristics di Cordenons; presint ancje a Pordenon e a Gurize.
fonts
1700 m.° Giacomo Manfrin, cameraro delle Chiese dei SS. Leonardo e Roberto di Valle et Noncello (ASU CRS 833); 1759 Antonio Manfrin q. Zuanne di Pordenon, teste (ASU CRS 369/1); 1816 Antonio Larice di Franc. nato nel 1792 in Tolmezzo, fenestraro, sp. Caterina Manfrin di Zuglio serva in Tolmezzo, figlia di Gaspero da Venezia (A.P. Tumieç); 1917 il Soldât Francesco Manfrin dal reziment 207 di Fantarie “Taro” di Cordenons classe 1896, al mûr sul Cjars te Prime vuere mondiâl (Ongaro-Piccolo, 2005); 1952 Umberto Manfrin, nassût a Udin tal 1927, al è autôr di fumets. Al lavorarà pal editôr Mondadori (Nazzi, 1992).