Mi vise Marc Margarit che lis primis atestazions di chest cognon di Musclêt (comun di Codroip) a son te forme feminine Margarita; e je stade duncje une “masculinizazion” vignude dopo. Dal sigûr o savìn che chest non però al podeve jessi doprât ancje al masculin: tal NA al è un Margaritus frater Iohanini Carneli, tal 1435 a Udin maistro Margarit chaligaro, e Margherito fu Bartolomeo al jere maridât cun Menia di Olivo Francescutto a San Zuan di Cjasarse tal 1598. Al è dal pâr sigûr che Margaret al podeve jessi feminin; cussì a Glemone tal 1380 si à une Margaret mari (di) Cristoful di Sbraugla (Marchetti, 1962). In Cjargne, tal Cjanâl Pedarç (comun di Prât di Cjargne) e je documentade la forme Margaret: 1479 Nicolai Margaret; 1505 Leonardus q. Nicolai Margaret de Mungiton (A. Roia). Tal Schedari Corgnali: 1270 Margareto (o Margaret) de Buja; 1295 Margaretto molendinario a Glemone; 1302 Iacobo Margaretan de Magano a Glemone; 1355 Margaritto de Clugia a Aquilee; 1358 Margaritti mercatoris Utini; 1365 Margaritus civis Aquileja; 1368 Presb. Margaretus de Castiluto; 1369 q. Margariti de Malaçiupica 1388 Margherito di Chioggia; 1393 Margaritus a Udin; 1411 Petri Margaret a San Denêl; 1427 Margarit de Cussigna; 1490 Margaret a Ovedàs.
E cussì il cont Ermes:
L’ultin sarà lu cuc cul cjant divin,
che fra i altris pâr just Margaritìn.
Il cognon Margarìt si lu cjate ancje a Çarvignan, Vildivar (diviersis frazions), Monfalcon.
fonts
1405, il prin di Dicembar Andrea f. di Zuanutto di Pietro Margaretto da S. Daniele – complice in sequestro (ANU 3874); 1450, ai 29 di Març m.° Birtulo q. Zuanutto q. Pietro Margaretto de S. Daniele compra per 20 £ campo in Via di Bradiz di Coseano (ANU 3880); 1460, ai 19 di Fevrâr Giovanni Margaret q. Leonardo da Carpacco compra prato in Felet (ANU 2879); 1502 Nicolò del Margareç di S. Daniele (ANU 3874); 1539 Biagio vulgo detto Buri figlio di Bernardino e chest ca fratello di Antonio abit. Udine Pracchiuso q. Nicolò Margaretti da S. Daniele (ANU 3911); 1551, ai 16 di Fevrâr Gottardo de Margarettis f. di Biagio da S. Daniele – fa pignorare m.° Giac. de Filipuziis mugnaio (ANU 3913); 1552 Daniele e Leonardo f.lli Margarez di S. Daniele – lite dopo divisione (ANU 3929); 1561 Gottardo, Valentino e Camilla q. Sebast. Margiarez di S. Daniele (ANU 3931); 1582 Girolamo q. Biagio Margiarez d.° Pozarin (o della Pozaria) di S. Daniele (ANU 3937); 1643 Zuane q. Michel Margarit (o Margaritta) habit. Villa Varmi, fittuale della Fraterna B.V. di Varmo (ASU CRS 836); 1769 Pietro Margarit (o Margarita) cameraro Fraterna SS.ma Trinità di Santa Marizza (ASU CRS 449); 1809 Francesco Margharit possiede due bovi in Muscoli (ASU Della Torre/B 30).