Cognon che al à dât il non a une borgade di Mersin Disot (comun di Pulfar) li che al è documentât dal 1612 cun filius Pauli Marseu de Marsin. Al ven dal non propri Marsel (1615 Foschia Marseliza di Mersino; 1649 filius Adami Marsel de Roda) che al ven let Marseu e segnât cussì te forme uficiâl di cumò. Al è probabil che il non di persone Marsel, nassût cu la formante èl, e vignedi dal non di femine Marsa, par antîc une vore difondût in Sclavanie ae fin dal Cuatricent: Marsa de Pethegiay; Marsa uxor Stefani de Lanbay, e v.i. (Zuanella, Pulfero, pagj. 302-303). Tal Schedari Corgnali: 1310 dicti Marse mariti sui de Albana; sec. XIV O. Marsa Sclava de Gluvidrago; 1374 Arne fil. q. Marse de Plezio; 1409 Nicolaus maritus Marse a Cravar. Tal 1699 Her. Marseu fitt. in Mersino dei nobb. de Puppi (ASU Coll.-Mels III part 23).