Il marson al è un pes di aghe dolce che al sta platât fra i claps dilunc vie pes spuindis dai flums, torints, riui (cognossût par talian tant che “scazzone"). In origjin duncje al sarà stât un sorenon.
Tal 1488 a Prodolon Joanna moier de dicto Marson marengon.
In cualchi localitât dal Venit marsón e je la “frece dal cjar", une part dal cjar cu la forme di angul acût, li che dentri si ficjie il tamon (Marcato, 1982).
La forme Marsón e je pluitost difondude te planure di soreli a mont, propit tes areis plui sioris di aghis: e je une vore frecuente a Cordenons, Pasian di Pordenon e te stesse Pordenon; ben presinte ancje a Daçan, Prate, Cjons, Cjasarse, San Stin, Brugnere, Pravisdomini, Danon, Cint. Si pues cjatâle ancje a Purcie (1647 Mattio q. Zan de Martin de Pol di Talpon de Porcia detto Marson), Vildiflum, Sacîl, Udin, Tor di Zuin, Manià, San Vît dal Tiliment, Çarvignan, Bagnare (Gruâr), Cjarlins, Sisarûl, Cintiel (Tei), i Gjai (Gruâr), Lignan, Pramaiôr, Prissinins, Puart, Rivarote (Rivignan Teôr), San Zorç di Noiâr, San Michêl.
La forme Marsoni si cjate soredut tal comun di Vildivar (ancje a Palaçûl e a Roncjis).
fonts
1539 Agnol Marson da Pratta fittuale Sigg. Popaite (ASU Popaite 3.2); 1610 Agostin Marson di Roraio grande, debitore Scola della SS.ma Immacolata di Pordenon (ASU CRS 370/4); 1647 Mattio q. Zan de Martin de Pol di Talpon de Porcia detto Marson (AB); 1648 Pol de Martin de Pol detto Marson di Talpon di Porcia (ACR 356/1); 1699, ai 21 di Avost Tomaso Marsoni Mingotti da Spilimbergo in lite con eredi q. Sig. Franc. Davide di S. Daniele (Filze); 1700 Sig. Tomaso Marsoni negozio in Spilimbergo – forniva cera a chiese (ACR 9); 1716 Heredi q. Pietro Marsona, debitori della Fraterna del SS.mo Sacramento di S. Lorenzo di Sedegliano (ASU CRS 446); 1728 m.° Gio. Batta Marsoni da Talponedo Porcia (ACR 353/2). Biasutti: di chi i Marsoni di Spilimberc?
1736 Andrea Marson q. Agnol da Loncon in Pordenone, teste (ASU CRS 369/1); 1737 Mattio e Giandomenico f.lli q. Gius. Marson di S. Martino, testi in documento della Scuola San Sebastiano di Ghirano (ASU CRS 243); 1765 Missier Bastian Marson, cameraro della Fraterna Concezione di Meduna (ASU CRS 281); 1780 Leonardo Marson di Lauzaco fittuale nobb. Caiselli (ASU Perusini 274); 1781 Sebastiano Marson, cameraro della Fraterna B.V. della Centura di Dannon (ASU CRS 6); 1816 muore a Meduna Maria Marson di Gio. di mesi uno nata e domic. in Cort’abbà (A.P. Midune); 1848 e nas a Pasian Carolina Marson (Begotti 1986); 1917 il Soldât Sante Marson de Batarie 202 Bombardîrs, nassût a Cordenons tal 1883, al mûr sul Tiliment te Prime vuere Mondiâl (Ongaro-Piccolo, 2005); 1918 Marson Iginio Luigi di Tese del Piave e Marson Rosa profuga del Piave abitanti a Basiliano (A.P. Basilian).