Marz, ven a stâi “Març", al è stât un non di persone che al à vût cualchi moment di fortune in Friûl. Par esempli, tal 1382 al è un Març di Grupignan (localitât dongje Cividât) e, simpri tal secul XIII, un Martinus marz a Maran (Biasutti, 1956). Tal nestri câs a son, si capìs, formis diminutivis che, cun di plui, a podin cjatâ un precedent storic tal Leonardo dicto Marçulo che al jere a stâ a Cividât tal 1331. No lontan dai confins di Soreli a mont de Patrie, a Oderzo, tal 1318, al jere cjapitani un ciert Marzolino del fu Florio di Magnaferro.
Marzolini si cjate a San Pieri dai Sclavons (documentât dal Cinccent) di dulà che al è emigrât a Bresse di Cjampfuarmit tal 1899; Dutis dôs lis formis a son presintis a Cividât.
fonts
1633 Clemente Marzolino q. Lorenzo della Villa di S. Pietro Sopra Cividale fittuale nobb. Zucco di Maso sentato loco, et foco, posto in Villa di S. Pietro (ASU Zucco 1); 1642 Andrea Marzulin giurato a S. Pietro al Natisone (Corgnali); 1693 Ioseffo q. Clem. Marzolini (o Marzilino, Marzolino, Marzulino) da S. Pietro Schiavoni, cameraro della Fraterna del SS.mo Rosario di S. Pietro (ASU CRS 448); 1703 Pietro Marzolino di Biasio q. Filippo da S. Pietro Slavi dona affitto pes. 2 frum. alla Confr. Rosario (ACR 448/1); 1706 Vicenzo Marzolino q. Michele da S. Pietro Slavi – livello duc. 10 da Confr. Rosario (ACR 448/1); 1815 Maria Marzulini di Giac. nata in Ponteacco nel 1790, sposa Valent. Vinturini di S. Pietro (A.P. San Pieri dai Sclavons); 1899 al rive a Bresse Eugenio Marzolini fi di Domenico, esercent, nassût a San Pieri dai Sclavons tal 1870 (Fantini e Romanello, 2002).