Cognon une vore difondût tal Friûl gurizan e ben presint te stesse citât di Gurize. Si lu cjate ancje a San Michêl (dal Tiliment).
Par cualchidun al sarès une deformazion di merìga “cjâf dal vilaç". A noaltris no nus pâr improbabile une derivazion di Marèga, centri abitât in provincie di Verone, no lontan di Legnago, sul confin cu la provincie di Vicence (il cognon Marèga, cun di fat, al è presint ancje a Brenzone, in provincie di Verone).
Il toponim Casa Marega a Nord di Midiuze tal comun di San Zuan dal Nadison (IGM 1962).
fonts
1651, ai 30 di Lui don Sebastiano Mareghin da Mossa (Filze); 1734, ai 19 di Fevrâr don Giuseppe Marega da Luchiza – gli è fatto patrim. eccl. duc. 1011 (AB); 1746 Franc. Marega di Bagni di Monfalcone, Anima di Comunione (ACAU 737); 1767 Rev. Giuseppe Marega nativo di Sagrado, pievano di S. Pietro dell’ Isonzo (ACAU 744/1); 1883 al nas a Lucinîs il fotograf Augusto Marega (Nazzi, 1992).