Al è un peioratîf di Maso, che al è forme aferetiche di Tommaso. In cualchi câs al podarès vignî di masàt, dispreseatîf di maso “insiemi di cjamps cun abitazion": Masàt al è toponim difondût tal Friûl ocidentâl (Fadelli, inf. pers.). Te variante grafiche Masato chest cognon al è documentât a Pramaiôr, li che al è inmò presint, tal 1728 (Marcato, 1995). Si lu cjate ancje a Stià (comun di Fossalte di Puart), Pordenon (culì sei Masàt che Masatti), Turiac, Codroip (come Masatti).