Salacor al sta par massàro (massâr) “contadin che al sta daûr aes voris di un podê e al ten di voli i imprescj rurâi" o “fituâl, colon". Tal Corgnali: 1338 Franciscus q. Hendrici Masar de Vilalta; 1559 m.° Franc.° Masar a Udin. Viodi ancje Massaro. Cognon presint a Pordenon (ca e là tes provinciis di Trevîs e di Vignesie, ma no tant difondût).

Probabil che al sedi come il venezian massariòto “metadiari, chel contadin che al divît cul paron dal teren la racuelte" (Boerio). Tal Corgnali: 1410 Antonius olim Iacobi Masaroti de Artenea a Glemone; sec. XIV q. Martini Masarotti de Flambro. Il cognon si cjate a Manzan, Pradaman, Buri.