La origjin di chescj cognons e va cirude, cun ogni probabilitât, tal sostantîf “maschera" ("mascare") e, duncje, a saran stâts sorenons. Tal Corgnali: 1522 Petrus fil Bastiani Mascharini de Prata; 1550 la moier de Maschera a Pordenon.
Mascarìn al è une vore frecuent a Daçan e al è ben rapresentât a Cjons; presint a Concuardie, Vildiflum, Pordenon, Udin, Starançan.
Mascherìn al è frecuent a Vildiflum, Pordenon, Daçan (1738 Zuanne Mascherin a Tieç), un pôc mancul a Çopule (rivât culì di Corve di Daçan tal secul passât), Purcie, San Vît dal Tiliment, Bertiûl, Udin.
fonts
1587 Giovanni e Paolo q. Mauro Mascarin di Prata abit. nel Castello di Torre Pordenone (ANU 3939); 1690 Andrea e F.lli Mascherini da Pedrina fitt. Sigg. Popaite (ASU Popaite 7.22); 1713 Dom.co Mascarin di Piate fittuale nobb. Panigai (ASU Panigai 128.1); 1717 Bernardin Mascarin, Consigliere della Fraterna del SS.mo Rosario di Tiezzo (ASU CRS 521); 1723 Mattio Mascarin d.° Pitton fitt. in Fiumesin Sigg. Popaite (ASU Popaite 8.7); 1728 Carlo et Figlioli Mascarini Coloni in S. Andrea (ASU Popaite 8.7); 1739 Dom.go Mascherin di Praturlon fittuale nobb. Panigai (ASU Panigai 128.3); 1942 il scultôr Marcello Mascherini, nassût a Udin tal 1906, al oten a Florence il “Premio Donatello” (Nazzi, 1992).