Di massâr “fituâl, colon”, par esempli tal 1425 Çuan massar di Bratiul. Al voleve ancje dî “aministradôr di une comunitât” e e je documentade, almancul par Dartigne e Buie, la cjarie di massaro “massâr” tant che “massime autoritât dal Comun”. A Dartigne tal 1567: Et così vidi Jacomo Vidon, Massaro della Villa, con circa otto, over nove di Consiglio, sentati là sul zocco, sotto la nogara, dove suol radunarse il Comun; de li quali ricordo che erano: Como, Battista, Jacuz, e v.i. circa a do passi dallo sclopo della fontana. A Buie debeant DD. Masarius et Consiliarij elligere et deputare quattuor vel plures Provisores ad custodiam dictae Comunitatis... (Statûts dal 1371) e tal 1506 il Massaro di Buja per lo Brico aveva fatto far certo proclama circa lo pescar nel fiume Ledra.
Cussì Çorut: Ancjimò ài di finî di vendemâ, / di fâ i conts ai massârs, / e cent altris afârs.
Vôs come massàr e massàro a son presintis tai dialets de Italie setentrionâl e a àn il stes significât dal furlan massâr.
Chest cognon al è pluitost difondût a Manià (achì i toponims Braida Massaro tal 1839 e Stalla Massaro tal IGM), presint a Udin. La forme Massari, difondude tal Ferarês e tal Bressan, e je presinte a Gurize.
fonts
1426 Alberto Lù Massaro fittuale in Brazzano (ASU CRS 139/1); 1554 Battista e Nicolò del Massaro de Reana (ANU 4987); sec. XVI Bartolomeo Massari, poete e leterât di Pordenon (Angelillo 2002); 1633 Dona Menega dell’Androna del Massaro (alias Masaro) in Borgo di S. Lucia a Udin (Della Porta 1991, 355 Massàr); 1635 Andrea Massaro fittuale in Griolassa nobb. Colloredo (ASU Perusini 691.11); 1660 Ser Michil Massaro (o Masaro) in Vicinia di S. Martino Codroipo (ASU CRS 294/1); 1694 Lorenzo q. Zuan Maria di Russuledo detto Massaro di Maniago, teste in Pofabro (ASU CRS 351/1); 1714 Donna Maddalena Figlia del q. Zuanne Massarutto di Maniago, cede beni alla Fraterna B.V. del Rosario di Vivaro (ASU CRS 844).