Mazzìle al vûl dî “macile, masar"; par solit al jere un sfuei di aghe o, in ogni câs, di un bacin li che si meteve a masarâ la cjanaipe. Chest tiermin al à lassât un grum dii microtoponims e al è probabil che il cognon al sedi stât origjinât di un di chescj.
Tal 1364 Macillo pelipario a Feagne (Corgnali). La presince dai Mazzìlis e je documentade a Tualiis (comun di Comeglians) fin de fin dal Tresinte.
fonts
1434, ai 31 di Març È nominato giurato di Comun (di Udin) Fantus de Mazillis (Della Porta 1991, 6 Macilis); 1675 Ser Giorgio q. Nicolò Macilis di Tualis, teste in Forno (ASU Perusini 86); 1750 Giac. Mazzilis q. Franc. di Tualis possiede beni (ASU Gortani I part doc. 9.5); 1761 Gio. Batta Gortana, vedovo di Maria Maddalena Mazilis q. Bernardino q. Nicolò da Tualis, sposa Maria Mazilis di Giorgio pure da Tualis (AB); 1799 Antonio q. Lor. Macillis, cameraro della Fraterna di San Gregorio di Mieli (ASU CRS 284 bis).