Chest cognon, cetant difondût a Davian (1578 Bastianus Mazoccus a Marsuris) e rapresentât a Pordenon, al somee vê une vieste plui venite che furlane (al è presint ancje a Padue e in provincie di Belum).
Tal NA si cjate un Zaninus Mazochus de Venetiis e tal D.P. Venerium Mazzocchi habitantem in villa Turris tal 1429 e cun di plui Johanne Mazochi de Flumisino tal 1456. Tal Corgnali: 1295 Iohannis de Maçocco (o Maçoccus) a Manià; 1339 Manfredo dicto Maçoco de Varmo; 1344 Maçochum a Madrîs di Feagne; 1394 Nicolai Maçochi de Agaro a Dalnì; 1404 Ioh.e dicto Mazuchini q. Mazochi de Utino; 1450 Maçoch a Çupicje; 1456 Iohanne Mazochi de Flumisino; 1527 Michaelem Mazochi de Villotta a Purcie; 1808 Antonio Mazzocco a Vilote di Davian.
Tal trevisan di cumò massòco al vûl dî “dûr, çondar, tart", plui o mancul come il furlan maçûl.
In principi al sarà stât, duncje, un sorenon. No lassìn in bande che la vôs mazzòc e puedi esisti ancje par furlan o, almancul, in cualchi sô variante. Il NP al cite (tes “zontis"), però, dome mazzòcule “grues pinel di pitôr" e mazzòcje “grues cjâf di baston".
Olivieri 1923 al fasarès derivâ chest cognon de peraule venite mazòco “persone gruesse e bocone". Viodi ancje Rapelli 1995.
fonts
1355 Floramondo d.° Mazoco q. Tuot de Atems (ANU 4983). Biasutti: Mazzocco di Attimis. 1601 Antonio, Agnolo, Tadio e Batta Mazzocco de Vilotta, fittuali beni feudali di Castel d’Aviano (ASU CRS 16/1); 1618 Ser Zan Paulo q. Ser Mattio Mazocho della Villa di Marsuris, cede beni a Chiesa S.ta Caterina (ASU CRS 277/1); 1619 Il Mazhoco di Pravisdomini fittuale nobb. Panigai (ASU Panigai 6); 1629, ai 6 di Fevrâr Magdalena vidua vocata la Mazzocca de borgo Villalta (Udin) noctu jugulata (sgozzata) fuit cum quondam puella eius nepote, nomine Ursula vocata, quae ambo in D. Luciae iecent (+ Redentôr); 1638 Ser Iseppo Mazzocchino di Marsuris, Esattore (ASU CRS 277/1); 1644, ai 16 di Lui don Leonardo Mazzocco da Nimis capp. Ville Slave (Mandatorum); 1681 Ser Pietro q. Ser Daniel della Mora di S. Leonardo di Campagna, ora abit. in Marsure, Maritato in Pasqua Figliola del q. Bastian Mazochin (ASU CRS 227/1); 1730 Paulo Mazocho debitore Chiesa B.V. del Monte d’Aviano (ASU CRS 17/1); 1737 Osgualdo Mazzocutto, fittuale in Marsure (ASU CRS 277/8); 1751 Ser Lorenzo Mazocuto (ancje Mazoco) homo pratico e meglio informato dei beni della Scuola B.V. dei Battuti di Porcia (ASU CRS 354); 1816 Nicolò Basso nato nel 1784 in Sacile, manovale, figlio di Giuseppe impiegato alla tintoria, sposa Maria Mazzocca di Osvaldo Mazzocco nata a Marsure, serva domic. in Sacile (A.P. Sacîl).