Di maçûl. Une volte chest tiermin al jere ancje sinonim di gramule, il maçûl che al coventave par sfibrâ il lin e la cjanaipe. Intun document di Midun dal 1461 cun malleis sive mazzolis si intindin i pestei dal mulin. In sens figurât cun maçûl si à chê di indicâ par solit une persone testarde o dure di comprendoni. No lassìn in bande une derivazion di Mazzo, non di persone di divignince gjermaniche in ûs par antîc (Lenart del Maç a Udin tal 1427). Tal 1429 a Udin io dey a Maçul (Vicario, 2001, b); tal 1442 a Cividât un Lenart figliastro de Maçul (Vicario, 2000), e tal 1598 Josefo de Mazul; tal 1450 a Pinçan Duri del Mazul (Scatton, 1994). Tal Corgnali: 1457 Mazolum (ancje Mazolius e Mazolus) a Resiute; 1468 Iohannes Mazoli de burgo Aquilegie Utini; 1471 Benedictus q. Dominici Mazuli de Sequalso; 1475 Io. q. Maçuli de Sequalso a Spilimberc; 1481 Ioannes Mazoluto a Cordenons; 1513 Iachomo Mazulut a Cividât; 1522 Colai Mazoli de Fonte frigido; 1526 Fr.co q. Nicolai Mazoli (o Mazolus) de Talponedo; 1529 Ioannem Leonardum del Mazul de Bratiulo.
Si pronunziial Màzzoli o Mazzòli? Al moment no lu savìn e lis pronunziis di cumò a puedin meti fûr strade (Mènis al sarès Menìs, De Sìmon al sarès De Simón, Sànson al sarès Sansón, e v.i.). Se il cognon al rive di mazzûl la pronunzie e varès di jessi Mazzòli/Mazzòlo, se al rive dal non Mazzo al podarès jessi ancje Màzzoli/ Màzzolo. O vin di visâsi il cognon dal innomenât zuiadôr Mazzòla, e no Màzzola (cun ogni evidence al rive di “mazzuola”).
La forme Mazzoli e je tipiche di Manià e dai contors (in zone un Andrea Mazoli de Sequalso tal 1513): culì si sint pronunziâ Màzzoli, ma lis formis antighis Pra Mazzui e Prat Mazzol citadis di Olivetto 1993 a fasaressin pendâ par Mazzòli (a saressin Maçûi e Maçôl); presint ancje a Monfalcon e a Udin.
Mazzolo al è rapresentât a Basilian e a San Vît dal Tiliment. I Mazzolo di San Zuan di Cjasarse a derivaressin dai Mazzoli di Manià cul trasferiment di un ciert Mattia fu Lorenzo tal 1600.
Une curiositât: Mazzoli al è cognon ancje a San Cataldo in provincie di Caltanissetta (Caracausi, 1993).
fonts
1470 Antonio del Mazul de Bertiulo, in Codroipo (ASU CRS 191/1); 1500 Vignut dal Mazol di Cordenons, fittuale Sigg. Popaite (ASU Popaite 1.5); 1527, ai 22 di Zenâr Benedetto q. Vener del Mazul di Maniago di mezzo vende livello a Confr. S. Maria (ACR 256/4); 1544 Acquisto della Fraterna di S.ta Maria dei Battuti di Codroipo da Girolamo del Mazul d’un Livello di Formento (ASU CRS 192/3); 1600 presint a San Zuan di Cjasarse, vignût di Manià, Mattia Mazzolo q. Lorenzo (Luchini 1995); 1619 Giovanni e Matteo f.lli q. Biagio Mazzolo di Maniago (ACR 263/2); 1620 Gio. Maria d.° Policardo f. di Giovanni Mazzol di Maniago (ACR 256/4); 1626 Testam. di M.° Alberto Mazzuola della Terra di S. Vido nel borgo di S. Lorenzo (ASU CRS 454/1 S. Roc); 1639 Maria moglie d’Osualdo Mazzolo, paga Legato alla Chiesa di S.ta Maria di Tramonti di Sotto (ASU CRS 525); 1639 Biasio Mazul collono in Udene dei nobb. Colloredo (ASU Perusini 704.3); 1646 D. no Quirino Mazzola (o Mazzolo) di S. Vido, in Sesto (ASU CRS 491/2); 1663 Catharina q. M.° Zuanne Mazolo consorte di M.° Dom.co Picol... Lascia per raggion di Legato per l’anima Sua una messa da esser fatta celebrar dalli camerari della Chiesa di S. Martino di Fanna (ASU CRS 218/1); 1684 Osvaldo Mazzolo de Fanna (Corgnali); 1694 Dom.co Mazolo di Spilimbergo, teste (ASU CRS 497/3); 1719 Zuanne Mazzolo de Frisanco (Corgnali); 1719 Sig. Antonio Mazzoli capitano della Giurisdiz. di Fanna (ACR 380 fasc.); 1721 Rev.do Osgualdo Mazolli d’Andreis, fittuale Fraterna del SS.mo Rosario di Maniago Libero (ASU CRS 267/3); 1739 Osvaldo Mazzolo e F.llo q. Zuanne colloni dei nobb. Prodolon poi Colloredo di Possession in pertin. di Prodolon con Casa, Cortivo, Orto, Casale e Prati (ASU Perusini 592); 1756 Tomaso Mazzoli di Maniago Pubblico perito e scrivano dalla Confraternita (ACR 255/4); 1761 Osualdo Mazzul (o Mazzolo) e F.llo Zuanne colloni in Prodolone dei nobb. Colloredo (ASU Perusini 744); 1767 Francesco Mazzoli, intaiadôr e decoradôr di Manià (Angelillo 2002); 1768 Tomaso Mazzoli, cameraro Fraterna SS.mo Rosario Pocenia (ASU CRS 351); 1772 Osualdo Mazolo fittuale in Muscletto nobb. Colloredo (ASU Perusini 693.6); 1816 Basilico Zanzero di Angelo nato nel 1779 in Pasiano, sarto, vedovo di Lucia Greatti, sposa Maddalena Mazzolo di Giuseppe da Pasiano (A.P. Varian); 1852 Bortolo Mazzolli oste di Monfalcone, riceve 2 botti Vino nero di Monfalcone (ASU Monfalcone 18.7).