Di mazzulìn, diminutîf di maçûl (viodi Mazzoli); o pûr di Mazzo o Matzo, non di persone di divignince gjermaniche doprât te Ete di Mieç: il diminutîf Matzolo al è documentât, a Trevîs, tal an 773, tal “Codiç diplomatic longobardic".
Une famee Mazulini e jere presinte a Vençon tal 1350 (Mistruzzi, 1930) e tal 1401 Maçolla (= “maçuele") di Tarcint al jere non di persone (Marchetti, 1934).
Al è un cognon tipic di Fusee (comun di Tumieç); si cjate ancje a Vile di Cjargne, Soclêf, Udin, Gurize, San Zuan di Cjasarse (comparît culì tal 1780 vignût di Fusee).
fonts
1445, ai 4 di Lui Gio. Mazulino de Fusea teste in Enemonzo (nodâr Daniele Ermacora); 1458, ai 21 di Avost Leonardo Mazzolino f. di Gio. da Fusea (nodâr D. Ermacora); 1477 Giacomo Mazolini q. Gio. da Fusea (ANU 4878); 1570, ai 4 di Avrîl Floreano Mazzolini di Gio. da Fusea – Antonia f. q. Dom.co di Fusea, da cui figlia, vuole essere sposata (Civilium); 1579 Nicolò Mazzolino chirurgo Venzone (AB); 1603, ai 31 di Dicembar Sig. Tomaso Mazzolini cittad. Venzone dott. chirurgo a Gorizia (Decreti); 1623 Eredi q. Andrea Mazzolino d.° Dortis di Fusea, fittuali Fraterna di S. Michele di Casanova (ASU CRS 41); 1646 Nicolò di Gregorio q. Nicolò q. Giacomo Mazzolini da Fusea sp. Margarita Roi (Filze); 1757 Antonio Mazzolini notaio da Fusea (ASU); 1771 Valentino Mazzolini q. Antonio notaio da Fusea (ASU); 1780 presint a San Zuan di Cjasarse, vignût di Fusee, Francesco Mazzolini di Giobatta, maridât cun Anna Sala di Voleson (Luchini 1995).