O vevin pensât al furlan muèdul (une specie di rôl), ma stant che chest cognon si cjate massime te zone di Trevîs, ancje se cuntune alte presince a Sacîl, Polcenic (1608 Paolo Modolo di Gorgazzo) e altris centris de provincie dal Nunciel, si sin indreçâts viers il tiermin mùdolo che, tal dialet trevisan, al indiche une sorte di 'save. Duncje, al podarès jessi stât, in origjin, un sorenon pôc preseât.
Olivieri 1923 al pensave invezit di fâ rivâ chest cognon venit di modulo “forme" e al cite cierts Statûts veronês li che si fevele di moduli “necessarii ad fornaces". Chest tiermin al jere cognossût ancje in Friûl e al segnave une “forme par modons di misure stabilide"; cussì a Udin tal 1403: Deliberatum fuit quod fornesarii... debeant tenere modolos inferratos bullatos (Perusini, Vita di popolo in Friuli).
fonts
1642 al nas a Cjanive di Sacîl Sebastiano Modolo (Luchini 1997); 1685 al mûr a Cjanive, a 48 agns, Francesco Modolo (Luchini 1997); 1729 eredi q. Osualdo q. Andrea Modolo di Gorgazzo, debitori Fraterna di S. Rocco di Polcenigo (ASU CRS 352); 1774 Madalena rel. del q. Franc. Modolo, debitori Fraterna del SS.mo Rosario di Coltura (ASU CRS 195/4); 1819 muore Pietro Modolo di giorni 10 di Giovanni villico di Sacile (A.P. Sacîl); 1826 Lorenzo Modul di Battista nato in Vigonovo nel 1791, vedovo domic. in Sacile, sposa Catterina Bottecchia di Domenico di Sacile, villica, domic. alla Fantanna di Sacile (A.P. Sacîl); 1959 Modolo – pittore. Pala “Immacolata” con 2 Angeli inginocchiati firmata con data 1959 nella chiesa S. Antonio Abbate di Udine (AB).