Variante dal non medievâl Nascinguerra (documentât par esempli a Udin tal 1321 cun Nascinguerra dictus Macutus calegarius de Utino). Intal Schedari Corgnali: 1300 Nascinverra de Portis.; 1325 Nasinvera filio Pasculi de Toriano; 1341 Nascinvera a Colorêt di Montalban. Cognon di Cjassà. In chest comun al è il Bosc di Scivère: cjastenêt su la rive setentrionâl dal cuel di Conoglan dongje dal abitât; za proprietât de famee Nascivera (Scivère) che e jere a stâ insom de rive (Mattioni, 1923). Viodi ancje Nassivèra.