A son dutis dôs formis venetizantis, o venetizadis, di nujâr “cocule“ (fale che a sedin cognons di origjin venite che a derivin sedi dal non venit dal cocolâr, sedi dai tancj nons di lûc dal Venit leâts al cocolâr: par esempli Nogara in provincie di Verone, Nogare in provincie di Trevîs, Noghera in provincie di Vignesie, e vie indenant), cence dismenteâsi dal nestri San Zorç di Nogàro. In principi, dut câs, al sarà stât un toponim. Nogàro si lu cjate a Grediscje (Sedean) e a Visepente (Basilian) e al è un cognon storic di Lauc; Noghèro a San Denêl.