Hai cercato la parola
bilingue monolingue
Hai cercato la parola
abbondantemente
Torna indietro

bilingue

abbondantemente
  • 1

    av. tant, cetant, une vore, plui che avonde Copia

    [CO] (derivât di 'abbondante', in cuantitât grande)
    dormire abbondantemente = durmî une vore oppure plui che avonde
    ha superato abbondantemente la prova = al à passât une vore ben la prove

monolingue

tant adi.indef.
Cun nons no numerabii, che al è in grande misure, intensitât e sim.
sinonimi
cetant, grant
esempi
"«O ai tant gust, e us viôt vulintîr. Comodaitsi»"
da "Salams" di Meni Ucel
"so pari si viodeve che al stave daûr di ce che al jere ator di lui cun tante fadie e che nol veve masse voie di fevelâ"
da "I prâts des Savodagnis" di Agnul di Spere
tant adi.indef., pron.indef., av.
In corelazion cun costruzions consecutivis
sinonimi
cussì tant, cussì
esempi
"i è vignude tante pôre che si è metude a cori"
da "Lis leiendis di Buie" di Pieri Menis
"Tite nol jere tant batocj di fâ restâ malapaiât un che al veve di domandâi un plasê"
da "Il muc" di Roberto Ongaro
tant adi.indef., pron.indef.
In proposizions comparativis o in corelazions, par indicâ corispondence di numar o cuantitât
esempi
"Guri al cor da pît [...], i va daûrji a Rosute [...]. Tancj pas jê e tancj Guri"
da "La aghe da pît la cleve" di Dino Virgili
tant adi.indef., pron.indef.
Cun frazions o cun espressions che a segnin un multipli, par sotintindi dute une comparative
esempi
"cuant che si duar ben, si met dongje cun mieç tant mangjâ"
da "I furlans e i frutins" di Riedo Pup
"Vera tai siei [çucui] e sta dentri dôs voltis tant che no rive nancje a alçâju, ju strissine"
da "Storie di Min" di Ivano Urli
"fighets citadins slacaiôs plens di bêçs! E che a pain trê voltis tant chel che e costarès la stesse robe"
da "Donald dal Tiliment" di Stiefin Morat
tant adi.indef., pron.indef.
Intune cuantitât gjeneriche che no si pues o no si vûl determinâ
esempi
"cu la patrie uficiâl bisugne stâ atents: e à confins, bandieris, carabinîrs, sclopis… cartulinis; e cun dut achel ogni tancj agns, o pûr ogni tancj secui, e cambie"
da "Filosofie padronâl" di Riedo Pup
"o vin viodût cemût che si stave cuinçant la mignestre a Rome, par opare dai Setante o dai Cinccent e tancj"
da "Par intindisi" di Josef Marchet
tant adi.indef.
In cuantitât grande, di mût che si pues calcolâle esagjerade
esempi
"aromai e jere ore passade che pre Aristico al ves une promozion, dopo tantis vitis"
da "Pre Pitin" di Antoni Beline
"i americans si dan di maravee che in Italie, cun tancj bêçs e cun tante robe che lôr a àn mandade ca, si vebi fat cussì pôc par rimeti in sest la nazion"
da "Amôr di patrie!" di Josef Marchet
tant pron.indef.
Tal pl., grant numar di personis
sinonimi
cetant, diviers, putrop
esempi
"tancj a jerin lâts a fâsi la doce, par rafrescjâsi prime di lâ fûr in jessude libare"
da "Preiere" di Gianfranco Pellegrini
"tancj che no crodevin come te, dopo si son cjatâts contents…"
da "La maghe no fale" di Pieri Menis
tant pron.indef.
Cun valôr neutri e sens che si lu capìs dal contest, une vore di timp, di distance, di inteligjence e v.i.
sinonimi
une vore
esempi
"mi visi che nol mancjave tant a Nadâl"
da "Visâsi di chel puint radio" di Agnul di Spere
"o vin determinazion e energjiis par dâ tant ae cause furlane"
da "Memoriis di politiche linguistiche" di Adrian Cescje
tant pron.indef.
Numar o cuantitât che no si pues o che no si vûl specificâ
sinonimi
tot
esempi
"a veve segnadis ancje lis ufiertis: tant par lui, tant pai capelans e tant pe glesie"
da "Pre Pitin" di Antoni Beline
tant av.
In grande cuantitât, misure, intensitât e v.i.
sinonimi
un grum, un mont, une vore
esempi
"jê i plaseve tant, e veve un so mût maraveôs di sei ninine, e saveve volê ben"
da "Chê dì che al neveà a Vignesie" di Agnul di Spere
"sul lavôr, po, al faseve pal so cont lui, cu la sflacje, cence rompisi tant par nissun"
da "La gjambe di Zaneto" di Riedo Pup
tant av.
In maniere limitative o esclusive
sinonimi
dome, juste, nome
esempi
"il diretôr, che a prin intro al scoltave cun fâ disvoiât tant par dâi un content, a la fin dal contâ, al jere interessât pardabon"
da "Il muc" di Roberto Ongaro
"il miedi al coreve mo ca, mo là, ma ce podevial fâ se nol veve nuie cun se? Cuatri garzis tant par meti un blec"
da "I ribei" di Alan Brusini
tant av.
Cun valôr aversatîf o conclusîf
sinonimi
dut câs, in fin dai fats, in ogni câs, istès, par altri
esempi
"la gnot e jere state malabiade, ma tant, aromai, mi jeri usât"
da "I forescj" di Alan Brusini, Gian Paolo Linda
"al jevà prime des siet, tant nol jere nissun gust a stâ tal jet di bessôi"
da "Prime di sere" di Carlo Sgorlon
tant s.m.
Grande cuantitât
esempi
"meti adun intun libri, ledrant e resentant il miôr dal tant cjatât, i fruçons de vôs dal passât"
da "Jentrade a Sacheburache" di Celso Macôr
tant s.m.
Misure o cuantitât indefinide, che no si vûl o no si sa specificâ
sinonimi
tot
esempi
"si puedin contâ tantis robis di chel disevot che al veve disponût un tant di patiments e un tant di cuiete par dute la famee"
da "Cjase di Dalban" di Maria Forte
"al pensave di domandâi par un tant al mês che i preparàs un bocon di cene"
da "Prime di sere" di Carlo Sgorlon
proverbi
"campagne tante che si po viodi, cjase tante di stâ a sotet"
"cjase tante di stâ, braide tante di coltâ, prât tant di cjalâ"
"cuntune redine si va drets, cun tantis si va tal fossâl"
"daspò tancj agns e tant timp la aghe a torne al so mulin"
"miôr pôc che tant e trist"
"Sant Pauli lusint, tante paie e tant formint"
"si robe in tantis manieris"
"tal grant al sta il pôc e il tant"
Torna in Cima
Torna in Cima