Tu âs cirût la peraule
bilengâl monolengâl
Tu âs cirût la peraule
acchiappare
torne indaûr

bilengâl

acchiappare v.tr.
  • 1

    v.tr. cjapâ, brincâ Copie

    [AU] (cjapâ di buride)
    è riuscito ad acchiappare la tazzina prima che cadesse = al è rivât a brincâ la cjicarute propit cuant che e jere par colâ
    lo ha acchiappato giusto in tempo = lu à cjapât juste in timp

    v.tr. cjapâ Copie

    (di une bestie che e cjape la sô prede)
    il gatto ha acchiappato il topo = il gjat al à cjapade la surîs
  • 2

    v.tr. brincâ, becâ, curâ Copie

    [AU] (cjatâ in fal, cjapâ cui che al à fate une violazion)
    se lo acchiappa la polizia è finito = se lu brinche la polizie al è finît
    speriamo che non mi acchiappi = sperìn che no mi curi
  • 3

    v.tr. cjapâ Copie

    [AU] (becâ cuntun colp)
    acchiappare qcn. con un sasso = cjapâ cdn. cuntun clap
  • 4

    v.tr. tirâ sù Copie

    [CO] (cirî di cognossi cdn. cun chê di imbastî un rapuart che al interesse, o une relazion afetive o un rapuart sessuâl)
    stasera si esce per acchiappare = usgnot si va fûr cun chê di tirâ sù
  • 5

    v.tr. cjapâ Copie

    [CO] (sedusi)
    la nuova ragazza lo acchiappa molto = la gnove fantate lu cjape une vore

    v.tr. cjapâ, tirâ dentri Copie

    (cjapâ l'interès)
    la storia lo acchiappa = la storie lu cjape oppure lu tire dentri

locuzions

    acchiappare farfalle
  • cori daûr aes paveis, pierdi timp in fufignis, lâ a nolisCopie
    [BU] (jessi inconcludent, pierdi timp daûr di robis inutilis)

monolengâl

brincâ v.tr.
(brin-câ)
Cjapâ di buride o cunt ciert empit, o ancje cun violence
sinonims
becâ, brancâ, cjapâ, çafâ, dâ la gafe, gafâ, piâ
esemplis
"lui, brincade une pistole che e jere picjade sul mûr, si meteve a berlà"
gjavât fûr di "Come tai romançs" di Alan Brusini
"il cjan lôf i veve brincât il braç"
gjavât fûr di "Il muc" di Roberto Ongaro
"il fantat al butà vie la pale, cun chê di brincâ Eliseo pal cuel, ma devant che al rivàs adore, l'om lu veve biel butât a rodolâsi su la jerbe di un cjamp"
gjavât fûr di "Prime di sere" di Carlo Sgorlon
"al brincà un piron su la taule e mi vignì sù pe muse par forâmi i voi"
gjavât fûr di "Pre Pitin" di Antoni Beline
brincâ v.tr.
(brin-câ)
Cjatâ in fal, cjapâ cui che al à fate une violazion
sinonims
cjapâ, cjatâ a nolis, cjatâ in cove, cjatâ in pache, cucâ, çafâ, dâ la gafe, gafâ, gatamâ, piâ, scuaiâ
esemplis
"i proprietaris di cumò, se a brinchin cualchidun a taiâ une cime sul lôr, al è afâr che i çoncjin lis mans"
gjavât fûr di "Lis predicjis dal muini" di Josef Marchet
"sul moment al pensà che lu vevin brincât par vie che nol paiave la IVZ"
gjavât fûr di "L'om che al pierdeve pinsîrs pe strade" di Fabian Ros
brincâ v.tr.
(brin-câ)
Cjapâ cun fuarce, in mût di gjavâ la libertât
sinonims
brancâ, cjapâ, cjoli, curâ, çafâ, dâ la gafe, dâ la trate, gaspâ, imbraçâ, imbrancâ, imbrincâ, ingrampâ, lincinâ, petâ man, piâ
esemplis
"i grancj gangsters a son stâts brincâts e metûts in galere"
gjavât fûr di "Par paiâ al vûl mistîr" di Riedo Pup
"i Rus a rivin adore, savê cemût, a brincâ lis siet feminis, polachis e russis, miscliçadis tal grum, lis gafin e lis puartin vie cun lôr intune caserme"
gjavât fûr di "Storie di Vera" di Ivano Urli
brincâ v.tr.
(brin-câ)
Cjapâ, massime cul ingjan, cu la prepotence o in maniere disoneste (coloc.)
sinonims
camufâ, gaspâ, gasparâ, gatamâ, imbrancâ, inculâ, larâ, puartâ vie, raspâ, sgarfâ, smafarâ, robâ, freâ, foti
esemplis
"il lôr probleme al è chel di rivâ a spindi, a invistî, a riciclâ ducj i bêçs che a àn e che a brinchin"
gjavât fûr di "O Maradona o il caos" di Riedo Pup
brincâ v.tr.
(brin-câ)
Di sensazions fisichis, fâsi sintî a fuart, dominâ (fig.)
sinonims
becâ, cucâ, dominâ, grampâ, invistî, paronâ, tacâ, travanâ
esemplis
"la preiere i mûr sui lavris che za lu brinche la sium"
gjavât fûr di "Daringad" di Laurin Zuan Nardin
brincâ v.tr.
(brin-câ)
Rivâ a vê une percezion imburide o ancje clare e precise
sinonims
cucâ, lumâ, lampâ, cjapâ sù
esemplis
"la flame e veve tancj ponts di colôrs e lui scuasit al brincave cui voi ogni mudament"
gjavât fûr di "La tiere di Lansing" di Maria Forte
"cualchi volte, a stentavin a brincâ il significât precîs des proposizions teologjichis e a capî fin da pît lis diferencis sostanziâls des definizions"
gjavât fûr di "I furlans e la pinitince" di Riedo Pup
brincâ v.tr.
(brin-câ)
Cjatâ
sinonims
cjatâ fûr, sgarfâ, sgarfâ fûr, tirâ fûr
esemplis
"no soi stât bon di brincâ la strade juste"
gjavât fûr di "Viaç a Vignesie" di Arturo Feruglio
"no si sa ni cuant che il repert al sedi stât brincât, ni cui che lu ves olmât, ni indulà"
gjavât fûr di "Une lance langobarde cjatade a Baracêt" di Lucio Perès
torne sù
torne sù