Hai cercato la parola
bilingue monolingue
Hai cercato la parola
addossare
Torna indietro

bilingue

addossare
  • 1

    v.tr. poiâ Copia

    [CO] (svicinâ metint a contat)
    addossare una sedia alla porta = poiâ une cjadree intor de puarte
  • 2

    v.tr. dâ, butâ parsore Copia

    [CO] (dî che cdn. al è responsabil di alc)
    gli hanno addossato molte colpe = i àn butât parsore cetantis colpis

monolingue

poiâ v.tr.
(po-iâ)
Meti jù, spec. cun atenzion, cun curie, in mût che al tocji, o che al stedi cul pês su alc che al è sot o in posizion tâl di sostignî
sinonimi
meti jù
esempi
"Miute e tirà fûr di sot la cotule, cence fâsi viodi, un sacut cui ûfs e i lu poià sul cjar"
da "Baratâ" di Angelo Covazzi
"al pontave la vuate, al justave lis nassis che al poiave sot lis rostis di pantan"
da "Il vivi al è chel rangjâsi" di Maria Forte
"metude la cole, a vegnin poiadis sul panel lis tessarutis e si tachin une dongje di chê altre"
da "Mosaic, une art furlane" di Oscar Puntel
poiâ v.tr.
(po-iâ)
Meti partiere o meti vie o meti tal so puest o lassâ tun ciert puest alc che par un pôc no si dopre
sinonimi
meti vie, meti jù, meti in bande, lassâ
esempi
"finît il to bal, cuant che chê musiche mute e torne a sei dome un spazi vueit che nol vûl jemplâsi, alore tu pois lis scarpis"
da "Milonghe" di Antescûr
poiâ v.tr.
(po-iâ)
Meti par scrit
sinonimi
scrivi, meti
esempi
"no jere la muart se al poiave une firme secont che lu vevin conseât"
da "Ideis" di Meni Ucel
poiâ v.tr.
(po-iâ)
Sotignî cdn. o alc, jessint in cunvigne cu lis opinions o ancje judant tai fats (fig.)
sinonimi
sostignî, tignî sù, judâ
esempi
"Fausto [Schiavi] al dimostrà tante clarece di pinsîr e tante determinazion che intor di lui si formà un grup di personis che lu stimavin e lu poiavin"
da "Tal non di Fausto Schiavi" di Adrian Cescje
"i Savorgnans a svilupin une politiche dinamiche, ancje dal pont di viste economic, che ju puarte a poiâ i popolârs e lis comunitâts rurâls intai scuintris cu la nobiltât feudâl"
da "Il Friûl de Joibe Grasse dal 1511" di Carli Pup
poiâ v.tr.
(po-iâ)
Fondâ su argomentazions, su poiis concetuâls (fig.)
sinonimi
basâ, fondâ, meti jù
esempi
"chei furlans [...] a vevin capît che la autonomie a varessin vût di poiâle suntune fonde identitarie"
da "Memoriis di politiche linguistiche" di Adrian Cescje
"tornâ ae storie nol è, duncje, pal cristian un tornâ indaûr ma un tornâ ae veretât gjenuine sedi de fede gjenerâl sedi de glesie locâl [...] Nome su cheste fonde storiche si po poiâ une pastorâl serie, al conclût pre Checo"
da "Pre Checo e la storie" di Gian Carlo Menis
poiâ v.tr.
(po-iâ)
Fâ une azion che e compuarte un contat fisic
sinonimi
dâ, dâ sot, rafilâ, scussâ, slungjâ, tirâ
esempi
"Zuan al poià ancjemò une cjarece sul cjâf dal frut po si invià par lâ sù a durmî"
da "La tiere di Lansing" di Maria Forte
"poiâ un pataf"
poiâ v.intr.
(po-iâ)
Jessi intun ciert puest, spec. parsore di alc
sinonimi
poiâsi, jessi, stâ
esempi
"la pipe ongjarese i poiave sul stomi, e spandeve bufulis di fum"
da "Il Bulo di Crodio" di Maria Forte
"il palc di scjalâr pai sunadôrs al poie sun dôs cemplis voltadis cu la bocje injù"
da "La aghe da pît la cleve" di Dino Virgili
"su la plane [dai barcons] a poin vâs di canelons florîts o di sclopons"
da "Corpus Domini" di Pieri Somede dai Marcs
poiâ v.intr.
(po-iâ)
Fâ sintî, fâ viodi, fâ notâ il pês
sinonimi
pesâ, cjalcjâ
esempi
"no si inacuarzeve nancje di no savê ridi; lui ancjemò cussì zovin. Su la muse lis pleis suturnis da la anime, i poiavin ancje plui agn"
da "La tiere di Lansing" di Maria Forte
poiâ v.intr.
(po-iâ)
Stâ sù suntune cierte fonde (fig.)
sinonimi
basâsi, fondâsi, jessi sore, poiâsi, vê base, vê fonde
esempi
"il Sindic, siôr Talico Gavot, gastalt dal cont, al poiave suntune salde maiorance"
da "La aghe da pît la cleve" di Dino Virgili
poiâ v.intr.
(po-iâ)
[TS] (mar.) Slontanâ la prore di une imbarcazion a vele de direzion di indulà che al rive l'aiar par favorî la azion su lis velis
Torna in Cima
Torna in Cima