Tu âs cirût la peraule
bilengâl monolengâl
Tu âs cirût la peraule
allungare
torne indaûr

bilengâl

allungare v.tr., v.intr.
  • 1

    v.intr. slungjâ la corse Copie

    [TS] sport (cjapâ plui corse tes garis di biciclete o a pît)
    allungò gli ultimi due chilometri = al slungjà la corse i ultins doi chilometris
  • 1a

    v.tr. slungjâ, sprolungjâ Copie

    [FO] (fâ deventâ plui lunc, incressi in lungjece)
    allungare il passo = slungjâ il pas
    uno stile di vita sano allunga la vita = un stîl di vite san al sprolungje oppure al slungje la vite
  • 1b

    v.tr. slungjâ, distirâ Copie

    [FO] (distindi alc che al è pleât)
    allungare la tovaglia = distirâ il mantîl
    allungare le braccia = slungjâ i braçs
  • 2

    v.tr. slungjâ, sprolungjâ Copie

    [FO] (fâ durâ di plui, incressi in durade di timp)
    allungare il periodo di malattia richiesto = sprolungjâ il timp di malatie
    allungare le vacanze = slungjâ lis feriis

    v.tr. slungjâ, rionzi Copie

    (fâ durâ par plui timp une situazion o une cundizion)
    gli hanno allungato la pena di due mesi = i àn slungjade la pene di doi mês
  • 3

    v.tr. slungjâ Copie

    [TS] gram. (incressi la durade di emission dal sun di une vocâl)
    allunga sempre le vocali = al slungje simpri lis vocâls
  • 4

    v.tr. slungjâ, rionzi Copie

    [FO] (zontâ un licuit, par solit aghe, par fâ deventâ mancul penze o fisse une sostance)
    allungare il vino = slungjâ il vin
    allungare la minestra = rionzi la mignestre
  • 5

    v.tr. dâ, slungjâ, scuarzi Copie

    [CO] (dâ alc che al è sotman, dâ di scuindon)
    allungami il sale per piacere = slungjimi il sâl par plasê
    allungare qualche lira = scuarzi un franc
    allungare una mancia = dâ la buine man
  • 6

    v.tr. sgnacâ, molâ, scussâ Copie

    [CO] (dâ cun malegracie)
    allungare un pugno = molâ un garuf
    allungare una bestemmia = scussâ une blesteme
    gli ha allungato uno schiaffone = i à sgnacât un scufiot di chei

locuzions

    allungare il brodo
  • slungjâ la mignestre, slungjâ la luianieCopie
    [CO] (slungjâ i timps di alc)
    ha allungato il brodo al punto da stancare tutti = le à slungjade tant chê mignestre che al à stufât ducj
    • allungare il collo
  • tirâ il cuel, vignî a curiosâ, slungjâ il cuelCopie
    [CO] (slungjâsi par cjalâ)
    allungano il collo per vedere meglio = a tirin il cuel par cucâ miôr
  • tirâ il cuel, stuarzi il cuel, slungjâ il cuel, picjâCopie
    [BU] (picjâ pal cuel o tirâlu)
    allungare il collo alla gallina = tirâ il cuel ae gjaline hanno allungato il collo ai rivoltosi = a àn picjât i ribei
    • allungare il muso
  • meti muse, fâ il music, fâ muson, tignî museCopie
    [CO] (fâsi viodi ofindût, malapaiât)
    ha allungato il muso davanti a tutti = al à metude muse denant di ducj
    • allungare il naso
  • slungjâ il cuelCopie
    [CO] (pandi curiositât, brame)
    non allungare il naso, non è roba per te = no stâ a slungjâ il cuel, no je robe par te
    • allungare il passo
  • slungjâ il pas, spesseâCopie
    [CO] (lâ indenant cun plui sveltece, movisi)
    • allungare la fune
  • molâ cuarde, dâ cuardeCopie
    [CO] (forme metaforiche par dî che si lasse un tic di libertât di compuartament)
    gli avevano allungato un po' la fune = i vevin molade un pocje di cuarde
    • allungare la mano
  • lâ a cirî, slungjâ la manCopie
    [CO] (domandâ la limuesine)
    si è ridotto ad allungare la mano = al à scugnût lâ a cirî
    • allungare le mani
  • fâ man basse, vê lis ongulis lungjis, slungjâ lis mansCopie
    [CO] (cirî di imparonâsi di alc cun ingjanizie)
    uno dei complici ha cercato di allungare le mani sui soldi = un dai compliçs al à cirût di slungjâ lis mans sui bêçs
  • slungjâ lis mans, meti lis mans intorCopie
    [CO] (tocjâ, palpaçâ)
    • allungare le orecchie
  • stâ in scolte, fâ orele, spiçâ lis orelisCopie
    [CO] (cirî di scoltâ ce che altris a disin)
    allungava le orecchie per ascoltare le loro parole = al faseve orele aes lôr peraulis ha allungato le orecchie più che poteva per sentire = al à spiçadis lis orelis plui che al podeve par scoltâ

monolengâl

molâ v.tr.
(mo-lâ)
No tignî plui ce che si tignive in man
sinonims
lassâ, smolâ
esemplis
"a planc e molà la man di lui"
gjavât fûr di "Il segno" di Pieri Somede dai Marcs
"jo cumò ti moli la bocje, ma se tu berlis o tu ciris di visâlu, tu sês muarte"
gjavât fûr di "Il muc" di Roberto Ongaro
molâ v.tr.
(mo-lâ)
Spec. intun sens negatîf, poiâ e lassâ intun puest, spec. cence vê plui cure, in disordin e v.i.
sinonims
sgnacâ, lassâ, semenâ
esemplis
"molâ i vistîts sporcs par tiere"
molâ v.tr., v.intr.
(mo-lâ)
No vê plui fuarce, no funzionâ plui ben e sim.
esemplis
"lis gjambis i molavin come chês di un cjoc"
gjavât fûr di "Cjase di Dalban" di Maria Forte
"o viôt neri denant i voi, o sint che mi molin i zenoi"
gjavât fûr di "Storie di Min" di Ivano Urli
molâ v.tr.
(mo-lâ)
No impegnâsi plui tune ativitât, no stâ plui intune cierte cundizion o situazion, lâ vie di un puest e v.i.
esemplis
"a vevin molât i lavôrs imbastîts par fâ la otave corsie"
gjavât fûr di "La otave corsie" di Gianfranco Pellegrini
"al veve decidût di molâ chê presidence, che i jere costade la delusion di no savêle plui movi di li che la burocrazie regjonâl le veve ingredeade"
gjavât fûr di "Memoriis di politiche linguistiche" di Adrian Cescje
"cumò i Vanuts a scugnivin molâ la colonie: il cumiât al jere su la taule"
gjavât fûr di "Devant di dut il cîl" di Dino Virgili
molâ v.tr.
(mo-lâ)
Ancje cun infinitivis e ancje impers., no fâ plui alc, sedi episodic, sedi usuâl
sinonims
fermâ, finî, lassâ
esemplis
"al decît di cambiâ strade. Cussì al mole il bevi, al fâs la pâs cu la sô femine e al fronte la realtât"
gjavât fûr di "Gnovis cine" di Fabian Ros
"Jacum i dîs di lâ vie, ma Nikolai nol mole di lâ daûr stant un pôc plui lontan"
gjavât fûr di "Neveade" di Marisa Moretti
"al à scugnût molâ il fumâ par sposâ mê mari, se no chê li no lu faseve jentrâ in cjase nancje in zenoglon"
gjavât fûr di "Sul florî" di AAVV
"difûr al veve a pene molât di neveâ"
gjavât fûr di "Trê feminis" di Gianni Gregoricchio
molâ v.tr.
(mo-lâ)
Lassâ di bessôl
sinonims
abandonâ, bandonâ, impastanâ, lassâ, plantâ
esemplis
"par dut il timp dal rinfresc, no le molà un sôl moment e, a la fin, i domandà se al podeve vignî cualchi volte a cjase sô a scambiâ cuatri cjacaris"
gjavât fûr di "Il muc" di Roberto Ongaro
molâ v.tr.
(mo-lâ)
Fâ stâ cdn. par un pôc di timp cun cdn. altri
sinonims
sgnacâ, lassâ
esemplis
"o ai molât i fruts li de none"
molâ v.tr.
(mo-lâ)
Permeti di lâ vie, di lâ fûr a cdn. che al jere presonîr o che nol jere libar
sinonims
diliberâ, lassâ, lassâ lâ, liberâ
esemplis
"son trê agns che mi àn molât, disesiet agns soi stât in galere"
gjavât fûr di "Resurezion a Pontinie" di Pieri Somede dai Marcs
"a son stâts ricognossûts inocents e molâts"
gjavât fûr di "Int di masnade" di Alviero Negro
molâ v.tr.
(mo-lâ)
Fâ dismontâ o scjariâ di un mieç di traspuart
sinonims
discjamâ, scjamâ, scjariâ
esemplis
"Zac al dismontà de machine ator dîs e un cuart, dopo che al veve molât Louis Calembour a cjase sô"
gjavât fûr di "Light my Fire" di Franco Marchetta
molâ v.tr.
(mo-lâ)
Concedi
esemplis
"la Costituente e molarà aes Regjons talianis une parence ridicule di autonomie, une pape di lin, un supignot sut come ai frutins di lat cuant che a frichin"
gjavât fûr di "Cuarde e savon" di Josef Marchet
"Bancje Etiche e valute il progjet e e mole il finanziament, daspò finît il scrutini de sô sostignibilitât, tant economiche che sociâl"
gjavât fûr di "Guide par un consum just e solidâl" di Buteghe dal Mont, Luche Nazzi
molâ v.tr.
(mo-lâ)
No doprâ, no profitâ
esemplis
"tignît a ments che se o molais cheste ocasion, cui sa mai se us int capitarà une altre"
gjavât fûr di "Lis predicjis dal muini" di Josef Marchet
molâ v.tr.
(mo-lâ)
Dâ di fâ a cdn. altri, delegâ
esemplis
"dut il so jessi al jere simpri stât leât al fûc [de fornâs] e ancje cumò, di capuçât, no lu molave a di altris"
gjavât fûr di "La tiere di Lansing" di Maria Forte
molâ v.tr.
(mo-lâ)
Dâ cun fuarce
sinonims
dâ jù, petâ, rifilâ, scussâ, slungjâ
esemplis
"al molave di chei scufiots che a ribaltavin"
gjavât fûr di "Come tai romançs" di Alan Brusini
"il vieli Bastian al molà un pugn su la taule"
gjavât fûr di "Trê feminis" di Gianni Gregoricchio
molâ v.tr.
(mo-lâ)
Fâ vignî fûr une sostance, un colôr, une lûs, une cuantitât di energjie e v.i.
esemplis
"cjoli une medisine che si crôt che e funzioni al pues ativâ i mecanisims de ricompense che a molin la dopamine"
gjavât fûr di "Neurosiencis dal dolôr" di Franc Fari
"un foton cun energjie superiôr a chê di estrazion dal eletron dal atom, al mole subit la sô energjie al eletron periferic che al devente libar di movisi dentri dal materiâl"
gjavât fûr di "Lis celis organichis nanostruturadis" di Lorenzo Marcolini
molâ v.tr.
(mo-lâ)
Fâ cjapâ velocitât
esemplis
"al à molât il so cjaval a volop"
"molâ la machine a 150 kmh"
molâ v.tr.
(mo-lâ)
Lassâ cressi
esemplis
"al jere tornât Fidrì! Al veve molade la barbe, al fevelave a scjas, nome i voi a jerin ancjemò chei di une volte… ma cetant plui vecjo che al someave"
gjavât fûr di "Sul agâr" di Pieri Menis
detulis
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che no si po plui, si scuen molâlu"
"cui che al mostre la robe e no le mole, al è segn che le mostre par fâ gole"
"o tirâ o molâ"
torne sù
torne sù