SuperDizionari

discjamâ v.tr.
(dis-cja-mâ)

Il tirâ jù une cjame, un caric, un pês e v.i.

esemplis

"intant che o discjamavi la valîs de veture al coridôr glaçât, la femine alte e magre, dute a neri mi cjalave"

gjavât fûr di "I forescj" di Alan Brusini, Gian Paolo Linda

discjamâ v.tr.
(dis-cja-mâ)

Gjavâ o liberâ di cualsisei robe, ancje imateriâl, o ancje di cdn. che si puedi calcolâ un pês (fig.)

sinonims

diliberâ, liberâ, slizerî

esemplis

"un espedient che la vite nus met sot il nâs par discjamânus de colpe di vê fat deventâ il timp paron di nô stes"

gjavât fûr di "Insumiâsi" di Marisa Gregoris

discjamâ v.tr.
(dis-cja-mâ)

Fâ colâ su cdn. alc, ancje imateriâl, o ancje cdn. che si puedi calcolâ un pês (fig.)

esemplis

"une grande improvisazion basade sul discjamâ ogni rogne viers il bas e su lis spalis dai sindics e dai comuns"

gjavât fûr di "Cuintristorie dal taramot" di Igor Londero

"al ven puartât a Udin, a Sant Svualt. Ma po dopo, al ven discjamât su la gobe de famee"

gjavât fûr di "Stupit di vuere" di Angelo Floramo

discjamâ v.tr.
(dis-cja-mâ)

[TS] (eletr.) Fâ in maniere che alc al pierdi une cjarie, une cjame, une cuantitât di energjie

discjamâ v.tr.
(dis-cja-mâ)

[TS] (tecn.) Meti dâts, documents, audios, videos, imagjins e v.i. di un supuart a un altri o de rêt a un supuart locâl

sinonims

discjariâ, scjariâ, scjamâ, tirâ jù

esemplis

"ur domandìn di sotscrivi chest apel, discjamâlu di Internet, fânt copie, discutilu in public"

gjavât fûr di "FIRMAIT L’APEL Pe dignitât e pal avignî de lenghe furlane pai dirits di dutis/ducj" di Comitât 482

"discjamâ la tastiere furlane di http://claap.org/tastiere-furlane/ e seguî lis istruzions"

gjavât fûr di "Cemût... digjitâ furlan!" di Andrea Decorte

monolengâl