Hai cercato la parola
Hai cercato la parola
altolà
Torna indietro
bilingue
altolà ,
-
1
s.m.inv. alt, alt là
[CO], [TS] (ordin di fermâsi berlât des vuardiis a cui che al passe un limit)
monolingue
alt adi.
Che al à une grande dimension verticâl
esempi
"un tor alt cuntun cjampanon de vôs tonde e çondare"
da "La aghe da pît la cleve" di Dino Virgili
"chei umign a jerin daûr a scanâsi, batint, in volte [cu lis manariis], tor un peç alt fin al seren"
da "La tiere di Lansing" di Maria Forte
alt adi.
Che al à une cierte dimension verticâl, in gjenar specificade di un valôr numeric
esempi
"ator des tombis dai siei a jerin cressudis lis jerbis matis dal Istât altis dôs trê cuartis"
da "Prime di sere" di Carlo Sgorlon
"une fantacine alte un e sessantesiet"
da "Sul florî" di AAVV
alt adi.
Che al è a une cierte cuote sul nivel dal mâr
esempi
"lis unitâts 5 e 6 a son fatis sù intun altri puest, un fregul plui alt (13 m sul nivel dal mâr)"
da "Il disastri de centrâl nucleâr di Fukushima Dai-ichi" di Alessandro Pascolini
alt adi.
Che al è in posizion plui insù rispiet al teren o ae base o a ce che al è ator
sinonimi
elevât
esempi
"culinis che tal prin a son altis di un nuie sul plan e che po a van alçantsi fin a insedâsi te mont"
da "La "Fieste dai Roncs"" di Meni Ucel
"e lave là sù in chel cimitieri alt su la culine"
da "La cotule di none Betilde" di Maria Forte
alt adi.
Cun valôr averbiâl, parsore, adalt
esempi
"une acuile che e svolave alte intal cîl"
da "Faliscjis" di Cristina Noacco
alt adi.
Che al è a Nord o plui a Nord
esempi
"i dialets regjonâi de alte Italie"
da "Memoriis di politiche linguistiche" di Adrian Cescje
alt adi.
Di part dal cuarp, o di robe che si met intor dal cuarp, che al è intune posizion plui alte de medie, o che al rive plui insù dal normâl
esempi
"il vieli al veve poiade la man su la spale alte di Guri"
da "La aghe da pît la cleve" di Dino Virgili
"jeans bas in vite e maiute alte in vite che [...] si viodi il boton de panze"
da "Sul florî" di AAVV
"un maion cul cuel alt"
alt adi.
Di part dal cuarp, tignût o voltât insù
sinonimi
esempi
"al spacave alts i braçs di spirtât"
da "Otavari a Madone" di Meni Ucel
"cul cerneli alt e il stomi infûr e la braùre tai voi"
da "La aghe da pît la cleve" di Dino Virgili
alt adi.
Insù intune scjale di intensitât, grât o nivel
esempi
"lûcs dal planet a alte densitât di popolazion"
da "Aplicazions des celis organichis nanostruturadis" di Lorenzo Marcolini
"la lampadine e vignive scjaldade a alte temperadure"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
alt adi.
Plen di fuarce, di sperance, di positivitât (fig.)
esempi
"nuie nol doveve mancjâ ai soldâts [...] par tignîur alt il morâl"
da "Une conference di padre Gemelli" di Pieri Somede dai Marcs
alt adi.
Di grant nivel, une vore specializât
sinonimi
esempi
"[une stazion topografiche] motorizade e di alte precision, buine di fâ misuris di distance fin a 2 km"
da "Struments topografics di ultime gjenerazion" di Redazion il Diari
"documentaris di une alte cualitât artistiche e professionâl"
da "Il cine groenlandês tra art e impegn politic" di Fabian Ros
alt adi.
Che al rive a un totâl di un ciert valôr, o di un grant valôr
sinonimi
esempi
"chei che a son rivâts in Canadà prime di lôr [...] a scrivin disint che si cjatin ben e che a cjapin paiis altis"
da "La emigrazion dal Friûl - Vignesie Julie in Canadà" di Javier Grossutti
"il debit di Vigji al jere alton, che nol jere mai stât cussì"
da "Vigji Brusin" di Riedo Pup
alt adi.
In posizion di sorestant intune struture jerarchiche o inte societât (fig.)
esempi
"la iconografie bizantine e esprimè la dignitât imperiâl tes personis dal basileus e de basilissa [...] cercenâts des schiriis dai plui alts dignitaris di cort"
da "Viaç aes origjins dal Logos" di Adrian Cescje
"i fîs de alte borghesie citadine"
da "Scozie: la scuele gaeliche di Glasgow tra lis miôr dal paîs" di Carli Pup
"une pelicule sociologjiche e satiriche sui rapresentants de classe alte di chê nazion"
da "La Mostre dal Cine e devente europeane" di Fabian Ros
alt adi.
Nobil, elevât, di valôr grant (fig.)
esempi
"si jerin za cjatâts dacuardi tal criticâ la idee che nome il romanç lunc al sedi "alte leterature""
da "San Simon 2.0 ?" di il Crot
"e je une facende, la musiche, fate pes animis plui altis"
da "La musiche" di Ivano Urli
alt adi.
[TS] (ling.) Di vocâl, che rispiet a altris e je produsude cu la lenghe tignude plui insù
esempi
"tai dialets dal amont e te lenghe fevelade o vin une riduzion des vocâls altis I, U (miš > məš, kruh > krəh)"
da "Gramaticute de lenghe slovene" di Janez Erat
alt adi.
Di une ete storiche, plui dongje de origjin
esempi
"la storie de Alte Ete di Mieç in Friûl"
da "Piçul ma grant di contignûts: il gnûf Museu Langobart di Romans dal Lusinç" di Walter Tomada
alt adi.
Al pues concuardâsi cul subiet che al à une des carateristichis descritis tes acezions parsore e jessi definît di un complement di limitazion
esempi
"une biele femine, alte di gjambe, salde di cjar"
da "La aghe da pît la cleve" di Dino Virgili
"une biciclete alte di siele"
"il pazient al è un pôc alt di pression"
"il contrat al ufrìs tancj servizis ma al è masse alt di presit"
alt s.m.
La part plui insù di alc
esempi
"al alce i voi [...] viers l'alt de tor"
da "Madalene" di Franco Marchetta
"Vigjute e fo plui voltis viodude a fermâsi dongje chê grande crôs di agacie plantade sui alts dal paîs"
da "Nardon e Vigjute di Nani" di Pieri Somede dai Marcs
alt s.m.
Intonazion alte, note alte
esempi
"dâmi un alt"
"nol cjape i alts"
alt s.m.
Massime tal pl., lûs de machine che e permet di fâ lusôr lontan
sinonimi
lûs di profonditât
esempi
"tacâ i alts"
proverbi
"cjase che si fâs in place o masse alte o masse basse"
"cui che al è plui in alt nol pense che al po colà"
"fumate basse, bon timp e lasse; fumate alte, al plûf cuant che i salte"
"la sinceritât e à lis notis altis"
"tant alt al va il scriç, tant alte e ven la nêf"
Torna in Cima
Torna in Cima