Tu âs cirût la peraule
bilengâl monolengâl
Tu âs cirût la peraule
alveolo
torne indaûr

bilengâl

alveolo s.m.
  • 1

    s.m. buse Copie

    [CO] (ingjâf piçul)
    gli alveoli di un colino = lis busis di un passin

    s.m. alveul Copie

    [TS] anat. (ingjâf intai vues o in cualchi orghin)
    gli alveoli dei polmoni = i alveui dai polmons
    i denti sono impiantati negli alveoli = i dincj a son implantâts tai alveui
  • 2

    s.m. alveul Copie

    [TS] bot. (ingjâf su la superficie di cualchi orghin vegjetâl)
  • 3

    s.m. ingjâf, ingjavadure Copie

    [TS] art (ingjâf dai ornaments)
  • 4

    s.m. ingjâf, ingjavadure Copie

    [TS] ores. (ingjâf te part in metal di un anel par meti une piere preziose)

monolengâl

buse s.f.
(bu-se)
Viertidure, pal solit plui o mancul taronde, che e passe alc di une bande a chê altre
sinonims
bûs
esemplis
"o plati la buse tai bregons de tute e la maiate di cjase cul capot"
gjavât fûr di "La dentiere pierdude" di Francesca Gregoricchio
"di une buse tal mûr e jentrà une surisute"
gjavât fûr di "Sante" di Checo Tam
"cuntun baston di fier spiçât al jere za rivât a fâ une biele buse tal solâr de sô cele, sbusant trê strâts di breis e un di marmorin, par la cuâl la vie di scjampâ e jere biele che pronte"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"so pari al jere stât operât tal cuel e al veve une buse o pensi par respirâ"
gjavât fûr di "Jo e Graziella" di Mario Beltramini
buse s.f.
(bu-se)
Orifizi dal cuarp
sinonims
orifizi, bûs
esemplis
"il so Spirit al soflà tes busis dal nâs une soflade di vite e l’om al deventà une creature vivente"
gjavât fûr di "Nadâl doi mil e disevot" di Gaetan Cogôi
"nol sint chel alì ve, siôr, se no i berle te buse de orele"
gjavât fûr di "La visite dal vescul" di Meni Ucel
buse s.f.
(bu-se)
Viertidure te tiere, plui o mancul largje e fonde
sinonims
bûs, cunete, fondon, fuesse
esemplis
"sgjavâ une buse"
"colmenâ une buse"
"la ploie e tornave a jemplâ lis busis de strade"
gjavât fûr di "La salamandrie tal fûc" di Carlo Tolazzi
"al cjapà un troi plen di claps e di busis glaçadis"
gjavât fûr di "Prime di sere" di Carlo Sgorlon
buse v.tr.
(bu-se)
Puest ingjavât dulà che si ingrume materiâl che no si dopre plui o che al à di restâ fer o di jessi lavorât
sinonims
bûs
esemplis
"une volte so pari le veve gjavade mieze muarte de buse dal ledan [...] dulà che e jere colade"
gjavât fûr di "Pascute" di Pieri Menis
"te "buse dai veris", monument di ogni paîs, [di tocuts di veri par zuiâ] a 'nd è tancj che si po tornâ a cjase cu lis sachetis plenis"
gjavât fûr di "Zûcs di fruts furlans" di Lucia Scoziero
buse s.f.
(bu-se)
Zone di teren, ancje une vore grande, che e je plui basse des zonis dongje
esemplis
"il Dacian al à proponude la buse jù insom dal ort di Lenot [par fâ sù une scuele gnove]"
gjavât fûr di "Il façolet dal Dacian" di Riedo Pup
buse s.f.
(bu-se)
Pont o zone dal fonts dal mâr che si sbasse rispiet al rest
sinonims
bûs, fondon, foran
buse s.f.
(bu-se)
Piçule jentrance intune superficie, ancje se no le travierse di une bande a chê altre
sinonims
bûs
esemplis
"dopo vêle lavade [une panarie] ben e no mâl, e stropât lis busis dai carûi cul stuc, le slicà cu la cjarte di veri e i de di lustrifin"
gjavât fûr di "Prime di sere" di Carlo Sgorlon
buse s.f.
(bu-se)
[CO] (sport) Ingjâf dulà che in plui sports si à di mandâ une bale
esemplis
"lis sîs busis dal biliart"
"un cjamp di golf di 18 busis"
buse s.f.
(bu-se)
[TS] (teatr.) Puest dulà che al sta chel che al sofle lis batudis
buse s.f.
(bu-se)
Ingjâf, çondar plui o mancul profont che al covente di ripâr pes bestiis salvadiis
sinonims
cove, tanâr, tane
esemplis
"la buse dal tac"
"la buse de surîs"
"sgjarfe, sgjarfe te buse cul fros, / sgjarfe, sgjarfe... ma il gri reste là"
gjavât fûr di "Il gri" di Francesco Musoni
buse s.f.
(bu-se)
Jentrade o jessude di un spazi soterani o parât
sinonims
bocje
esemplis
"si jes su la buse dai rifugjos [cuintri dai bombardaments]"
gjavât fûr di "La ultime baronade" di Pieri Somede dai Marcs
buse s.f.
(bu-se)
Lûc platât (fig.)
sinonims
bûs
esemplis
"cuissà in ce buse che al è finît il telecomant "
"cirî in ogni buse"
"Bastian l'è un om che al à la sience infuse, / ma che la ten squindude in cualchi buse"
gjavât fûr di "Bastian" di Pieri Çorut
buse s.f.
(bu-se)
Ambient sierât, strent, scûr e v.i.
sinonims
busigatul, cabere, caboite, cabôt, cjaponarie, cove, gjatarie, scrosop, scus, taboghe, taniç, tutubie, bûs
esemplis
"une buse di ostarie cun puce di fum e di bago"
gjavât fûr di "Come tai romançs" di Alan Brusini
buse s.f.
(bu-se)
Puest o localitât o paîs piçul e fûr di man
sinonims
bûs
esemplis
""O viôt che al à scuviert l'unic puest di sest ta cheste buse di paîs""
gjavât fûr di "I forescj" di Alan Brusini, Gian Paolo Linda
buse s.f.
(bu-se)
Puest di vore
esemplis
"al veve sì strussiade la vite, ma ancje cjatade la buse juste lavorant tal petroli e alì cjatade la sô vocazion"
gjavât fûr di "Alpin jo mame!" di Alan Brusini
buse s.f.
(bu-se)
Puest li che si sepulìs un muart
sinonims
fuesse, tombe, sepulture, foran, sepulcri
esemplis
"le metevin te buse e ducj intor a vaìvin"
gjavât fûr di "Par stradis lungjis" di Alan Brusini
"un an di lavôr di pizighet, fâ busis, taiâ la jerbe, tignî net, sapâ i stradoncins pal dì dai muarts"
gjavât fûr di "Un macet di sanmartinis" di Pieri Menis
buse s.f.
(bu-se)
Interval di timp libar (fig.)
sinonims
nuie, padin, polse, vueit, bûs
esemplis
"[al lavorave tant] dome par sbaldî la sô vite, par no lassâ busis, tal timp, a cjalâsi masse tal cûr"
gjavât fûr di "La tiere di Lansing" di Maria Forte
buse s.f.
(bu-se)
Spese che si à di frontâ o mancjance di bêçs o di altri che si à di comedâ (fig.)
esemplis
"e faseve saldo conts, tal so cjâf par doprâ ben ducj chei bêçs; che i comodavin ancje par cualchi buse di stropâ"
gjavât fûr di "Cjase di Dalban" di Maria Forte
"la Regjon e leve a cuvierzi cence fastidis e cence fâ compliments i 14 milions di euros di buse dal Teatri liric di Triest"
gjavât fûr di "Gibelli: "No son bêçs pal teatri furlan". Ma pai teatris di Triest a 'nd è simpri" di Walter Tomada
buse s.f.
(bu-se)
Mancjance te preparazion scolastiche e valutazion negative di chê mancjance (fig.)
esemplis
"vê une buse in matematiche"
buse s.f.
(bu-se)
[TS] (eletron.) Posizion lassade libare di un eletron te bande di valence di un semicondutôr che si compuarte tant che une cjarie eletriche positive
esemplis
"i puartadôrs di cjarie de sostance eletronegative donadore D (eletrons) o eletropositive acetore A (busis), liberâts dal leam cul atom di partignince dai fotons avonde energjetics [...] a mantegnin un cjamp eletric stabil"
gjavât fûr di "Lis celis organichis nanostruturadis" di Lorenzo Marcolini
detulis
"a volê trai il ves plui grant de buse o che il ves nol passe o che la buse si sprece"
"cuant che e je scure la buse di Pinçan, e ven la ploie, co e je clare al ven bon timp"
"cui che al prepare la buse pai altris se fâs par se"
"cui che nol comede la piçule buse al comede la grande"
"ducj use e ducj met la buse"
"falade la prime buse si lis fale dutis"
"lis cicimbelis no son dutis cu la buse"
"miôr il clap che no la buse"
"nissun nol va te buse, ogni muart e à la sô scuse"
"no bisugne tirâ il pêt plui grant de buse"
"ogni pâl la sô buse"
"ogni scuse e tapone une buse"
"ogni surîs e à dôs busis"
"par taponâ la buse si met une rose"
"puare chê surîs che e à nome une buse"
"un vuarp che al mene un altri vuarp a colin ducj i doi te buse"
torne sù
torne sù