Tu âs cirût la peraule
monolengâl
torne indaûr

monolengâl

scus s.m.
Rivistiment, pal solit dûr, che al cuvierç ûfs, pomis o ancje il cuarp di ciertis bestiis
sinonims
sglof, sglofe, cape
esemplis
"gjavâ il scus dal ûf dûr"
"rompi il scus de cocule"
"i fruts a mateâ tal curtilut plen di scus di cais e di plumis di ucieluts"
gjavât fûr di "Il vivi al è chel rangjâsi" di Maria Forte
"la tartarughe [...] i ten ancjemò bot [al gjal], cu lis çatis grampadis par tiere par no molâ e dute sierade tal so scus"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
scus s.m.
In espressions di comparazion, par dî che alc al è plen o straplen (fig.)
esemplis
"a scrupulavin, in buine fede, che al fos cjamât di bêçs come un scus"
gjavât fûr di "Pre Pitin" di Antoni Beline
"le gleisie plene come un scus e, a le fin, un batimans che a nol finive pui"
gjavât fûr di "Mandi Italo, ti impensistu...?" di Latino
scus s.m.
In espressions di afiet, par indreçâsi a une persone che si vûl ben (fig.)
esemplis
"scus gno, o ai pinsîr che si torni a sglonfâ il dedon grues dal to pît. Curiti ben"
gjavât fûr di "Chê dì che al neveà a Vignesie" di Agnul di Spere
scus s.m.
Rivistiment vegjetâl ancje no dûr
scus s.m.
Vite parade, protete o passive o cence responsabilitâts (fig.)
sinonims
nît
esemplis
"a chestis personis [di valôr] si volarès dî une peraule: che a jessin fûr dal scus, che a metin al servizi de lôr tiere la lôr capacitât"
gjavât fûr di "Fûr cui che i tocje" di Josef Marchet
scus s.m.
Aparence, esterioritât che e pues platâ une sostance diferente o che e pues protezi (fig.)
sinonims
scusse
esemplis
"al veve simpri mostrât une muse ruspie come un scus. Cumò, il vin i faseve mossit il cjacarâ cun ducj"
gjavât fûr di "La tiere di Lansing" di Maria Forte
scus s.m.
[TS] (arch.) Sacomadure cuntun ingjâf a cuart di cercli, tipiche dal stîl doric e cjapade de architeture baroche
esemplis
"doi barcons semicircolârs si vierzin de bande çampe e une curnîs a scus e cor sot de linde"
gjavât fûr di "Glesie di Sant Carli Borromeo" di AAVV
torne sù