Hai cercato la parola
bilingue monolingue
Hai cercato la parola
alzare
Torna indietro

bilingue

alzare
  • 1

    v.tr. jevâ, alçâ, tirâ sù, jevâ sù Copia

    [FO] (movi, puartâ, meti ad alt)
    alza quella gamba = jeve oppure jeve sù chê gjambe
    alzare la mano = alçâ la man
    alzare un carico = tirâ sù une cjame

    v.tr. alçâ, dreçâ sù Copia

    (tirâ sù, dreçâ sù alc che al è a tiere)
    alzare una vela = dreçâ sù une vele

    v.tr. alçâ Copia

    (voltâ, direzi ad alt)
    alzare lo sguardo = alçâ i voi
  • 2

    v.tr. dâ, jevâ, butâ fûr Copia

    [FO] (intonâ, emeti sunôr)
    alzare un canto = jevâ un cjant
    alzare un grido = butâ fûr oppure dâ un berli
  • 3

    v.tr. alçâ, tirâ sù, parâ sù Copia

    [FO] (fâ incressi di fuarce, di intensitât)
    alzare il volume del televisore = tirâ sù il volum dal televisôr

    v.tr. alçâ, tirâ sù Copia

    (produsi la incressite di un valôr)
    la crisi del mercato azionario ha alzato il valore delle obbligazioni = la crisi dal marcjât azionari e à tirât sù il valôr des obligazions
  • 4

    v.tr. tirâ sù, fâ sù Copia

    [FO] (costruî)
    alzare un muro = tirâ sù oppure fâ sù un mûr
  • 5

    v.tr. alçâ, tirâ sù Copia

    [FO] (fâ plui alt)
    alzare l'architrave di una porta = alçâ oppure tirâ sù il soiâr di sore di une puarte
  • 6

    v.tr. alçâ Copia

    [TS] (spec. ass., te bale a svol fâ un passaç alt a di un compagn)
    alzare la palla = alçâ la bale
  • 7

    v.tr. jevâ, alçâ Copia

    [TS] (dividi il mac di cjartis messedât di un altri zuiadôr)
    alza le carte = alce oppure jeve lis cjartis
  • 8

    v.tr. burî, jevâ sù, burî fûr, burî sù Copia

    [TS] (fâ svolâ sù i uciei par traiur)
    alzare le quaglie = jevâ sù oppure burî sù lis cuais
  • 9

    v.tr. alçâ Copia

    [TS] (difiet de ande dal cjaval che al tire masse insù i sghirets)
    è un cavallo che tende ad alzare = al è un cjaval che al à pecje di alçâ

locuzioni

    alzare al cielo
  • mandâ in cîl, esaltâ parsore ducj i cîiCopia
    [CO] (magnificâ, esaltâ, laudâ ancje cun esagjerazion)
    • alzare alle stelle
  • [CO] (vedi alzare al cielo)
    • alzare bandiera bianca
  • alçâ i braçs, tirâ sù lis mans, alçâ bandiere blancje, meti i fiers te fodreCopia
    [CO] (rindisi)
    • alzare gli occhi al cielo
  • alçâ i voi al cîl, alçâ il cjâfCopia
    [CO] (pandi solêf)
    se Dio vuole è finita e possiamo alzare gli occhi al cielo = se Diu al vûl e je finide e o podìn alçâ i voi al cîl
  • alçâ i voi al cîlCopia
    (pandi soference, rassegnazion o fastidi)
    durante la sua malattia, alzava spesso gli occhi al cielo = in timp de sô malatie, e alçave dispès i voi al cîl
    • alzare i bicchieri
  • alçâ lis tacis, jevâ lis tacisCopia
    [CO] (fâ un brindis)
    alziamo i bicchieri alla nostra salute = jevìn lis tacis ae nestre salût
    • alzare i tacchi
  • bati il tac, cjapâ il trenteun, zirâ sù i tacs, bati il dûr, movi il tacCopia
    [CO] (scjampâ di corse)
    è ora di alzare i tacchi = e je ore di movi il tac
    • alzare il capo
  • [CO] (vedi alzare la testa)
    • alzare il gomito
  • alçâ il bocâl, alçâ il comedonCopia
    [CO] (bevi masse)
    • alzare il sipario
  • fâ lûs, tirâ sù il sipari, alçâ il sipari, palesâCopia
    [CO] (pandi la veretât, sfantâ il misteri)
  • tirâ sù il sipari, alçâ il sipariCopia
    [CO] (fâ tacâ une rapresentazion)
    erano pronti per alzare il sipario = a jerin pronts par tirâ sù il sipari
    • alzare il tiro
  • cjalâ plui insùCopia
    [CO] (smirâ a risultâts miôr)
    • alzare la cresta
  • fâ alis, alçâ lis alis, alçâ la cresteCopia
    [CO] (fâsi braurôs o ancje mostrâ segns di riviel o di agressivitât)
    • alzare la fronte
  • [CO] (vedi alzare la testa)
    • alzare la guardia
  • stâ in vuaite, metisi in vuaiteCopia
    [CO] (sierâsi su la difensive)
    • alzare la propria bandiera
  • [CO] (pandi lis sôs ideis)
    era giunto il momento di alzare la propria bandiera = e jere vignude la ore di meti fûr lis sôs ideis
    • alzare la testa
  • tirâ sù il cjâf, alçâ il cjâf, dreçâ il cerneli, alçâ la cresteCopia
    [CO] (fâsi valê)
    ha cercato di alzare la testa, ma l'hanno fermato subito = al à cirût di alçâ la creste, ma lu àn fermât dal moment
    • alzare la voce
  • dâ sù la vôsCopia
    [CO] (barufâ)
    non alzare la voce con me = no stâ a dâmi sù la vôs a mi
  • sberlâ, vosonâ, vosâ, cridâCopia
    (cridâi a cdn.)
    non alzare la voce con i bambini = no stâ a vosâur ai fruts
  • vosâ, berlâ, cridâCopia
    (fâsi sintî, lamentâsi par proteste)
    con lui bisogna alzare la voce per ottenere qualcosa = cun lui si à di berlâ par vê alc
    • alzare le ali
  • [CO] (vedi alzare la cresta)
    • alzare le braccia
  • alçâ i braçs, tirâ sù lis mans, alçâ bandiere blancje, meti i fiers te fodreCopia
    [CO] (rindisi)
    buttate le armi e alzate le braccia! = butait lis armis e alçait i braçs!
    • alzare le braccia al cielo
    alzare le mani
  • dâ, petâ, meti lis mans intorCopia
    [CO] (petâ, dâ jù a cdn.)
  • alçâ lis mansCopia
    [CO] (rindisi)
    i nemici uscirono dalle trincee alzando le mani = i nemîs e vignirin fûr des trinceis alçant lis mans
    • alzare le mani al cielo
    alzare le spalle
  • spacâ lis spalis, strenzi lis spalis, alçâ lis spalisCopia
    [CO] (pandi disinterès o rassegnazion)
    • alzare le vele
  • tirâ sù lis velis, alçâ lis velisCopia
    [CO] (tirâ sù lis velis)
  • alçâ lis velisCopia
    (tacâ un viaç)
    ha alzato le vele per andare in Grecia = al à alçât lis velis par lâ in Grecie
  • alçâ lis velis, meti i fiers in agheCopia
    [CO] (tacâ une ativitât)
    ha alzato le vele con un nuovo negozio = al à metût i fiers in aghe cuntune gnove buteghe
    • alzare polvere
  • [CO] (vedi alzare un polverone)
    • alzare un polverone
  • [CO] (causâ confusion)
    la stampa aveva fiutato lo scandalo e ha alzato un polverone = la stampe e veve nasât il scandul e e à tirât sù un davoi
    • non alzare la testa dal piatto
  • no tirâ sù il cjâf dal platCopia
    [CO] (mangjâ di premure e tafiant)
    ha pranzato senza alzare la testa dal piatto ed è subito scappato = al à gustât cence tirâ sù il cjâf dal plat e al è scjampât daurman
    • non alzare un dito
  • no dâ un colp, no fâ un colp, no fâ un colp di nuie, no movi un dêtCopia
    [CO] (no fâ nuie)
    non ha alzato un dito per aiutarlo = nol à fat un colp di nuie par judâlu
    • non avere la forza di alzare un dito
  • no vê la fuarce di movi un dêtCopia
    [CO] (jessi une vore debil e strac)

monolingue

dâ v.tr.
Meti ce che si à in man te man di cdn. altri
sinonimi
consegnâ, dâ fûr, meti fûr, passâ
esempi
"sul cjar, mê agne Taresine jai da sù [i fassuts di lens] a mê mari su la trombe e mê mari jai da sù a Beput Cinisiti intent a intassâju su la tieze"
da "Beput Cinisiti" di Ivano Urli
"a jerin ducj li! In cercli, cidins, ognidun cuntune cjandele in man che lu cjalavin. Lu spietavin. Une femine i de une cjandele ancje a lui"
da "Sium de Vilie dai Sants" di Gianfranco Pellegrini
dâ v.tr.
Fâ che alc che si à, concret o astrat, lu vedi o lu tegni cdn. altri, ancje cun cundizions particolârs
esempi
"dopo che so fradi, subit dopo la vuere, al veve scugnût lâ pal mont a vevin dât a fit chê braide, ma cumò no rindeve plui, bandonade come che e jere, puare e magre"
da "Sul agâr" di Pieri Menis
dâ v.tr.
Fâ che cdn. al vedi alc di mangjâ, di bevi, o alc di cjapâ par bocje o in altre maniere
esempi
"galantom, varessiso alc di dânus di gulizion?"
da "Il solt dal Signôr" di Catarine Percude
"e Nardin, che al è muart vecjon? Tal ultin, i vevin dadis lis gotis pal cûr"
da "I furlans e la culumie" di Riedo Pup
dâ v.tr.
Fâ une cualchi azion che e prodûs il passaç di cualchi materiâl
esempi
"al jere un lavôr mostro a tignî nete chê tutubie e a dâ une man di blanc a chei mûrs di cjalin, che lu refudavin"
da "La tiere di Lansing" di Maria Forte
"infin, dopo di vê ben remenât dut il messedot, il frutat al tacà a dâlu su la tele cuntun pinel"
da "Il timp par ledrôs" di Mario De Apollonia
dâ v.tr.
Fâ une cualchi azion che e prodûs un contat fisic cun cdn. o cun alc
sinonimi
molâ, petâ, pocâ, sburtâ, sestâ, sgnacâ
esempi
"il prin intant si jere jevât in pîts e al veve tacât a dâi pidadis a Zac cui siei anfibis"
da "Light my Fire" di Franco Marchetta
"une dì lui i domande di podê dâi une bussade e no i colin lis fuarcis se jê i dîs sul imprin "ma lafè no", cui voi che i lusin "ma lafè sì"
da "Storie di Vera" di Ivano Urli
"no si podeve dîjal a so pari, al jere come dâi un pataf in muse, une curtissade tal cûr"
da "La aghe da pît la cleve" di Dino Virgili
"Elio, aromai cu lis mostacjis blancjis, al riduce e nol dîs nuie, e al da une lecade al gjelât"
da "Gjelât di cjocolate" di Spirt Anonim
dâ v.tr.
Dâ botis, pachis (ass.)
sinonimi
petâ, dâ jù
esempi
"Une di e patafave un so fi fûr di mût: une furie. Le viôt Pieri, si ferme e i dîs: «Ma parcè po, Mariute, i dâstu in chê forme a chê puare creature?»."
da "Gjalinis" di Meni Ucel
dâ v.tr.
Meti a disposizion alc di concret o astrat par che al vegni doprât o par che cdn. al vedi un vantaç
esempi
"che al disi, siôr plevan, e se o podarès dâi un consei o seii util, ben vulintîr"
da "Co l'amôr al cimie" di Costantino Smaniotto
"par intant si jere ufiert di dâi un passaç cu la machine che al veve lassât tal parc dal aeropuart"
da "Un piçul particolâr" di Fabian Ros
dâ v.tr.
Indreçâ o concedi alc di no materiâl a cdn. o a alc
esempi
"jê ur veve dât ospitalitât e afiet, e no dome par vie che lôr le vevin judade intun moment dificil de sô vite"
da "Ombris tal infinît" di Carlo Sgorlon
"in mancul di cuindis dîs al veve dute la situazion in man e la int e scomençave a smolâsi, a dâi confidence e a vê fiducie"
da "Il gnûf plevan" di Angelo Covazzi
dâ v.tr.
Fâ che alc al sucedi, produsi un efiet
sinonimi
causâ, causionâ, produsi
esempi
"il fat di vê pedons tes cjasis centrâls al da problemis al aversari parcè che i Pedons a impedissin ai tocs dal nemì di movisi cun libertât"
da "Zuìn di scacs" di Nilde Teresa Negro
"e jere estrose plui di mai. Dut i dave fastidi"
da "La fie çuete" di Maria Forte
"la ricercje di materiâl audiovisîf intai archivis e intes cinetechis nol à dât, almancul fin a cumò, grancj risultâts"
da "Il fotogram mancjant. Un Friûl cence memorie storiche audiovisive" di Fabian Ros
dâ v.tr.
Fâ vignî un stât psicologjic o fisic
sinonimi
fâ, produsi, causâ, provocâ
esempi
"il fum, tirât a pet cun gust, i dave un plasevul inzirli "
da "Tal ospedâl" di Amedeo Giacomini
dâ v.tr.
Fâ che cdn. o alc al vedi une cierte carateristiche, prerogative, denominazion e v.i.
esempi
"lis rosis de malve a son decorativis e si doprin par dâi colôr aes salatis"
da "Jerbis salvadiis inte cusine furlane" di Giorgio Pascoli
"e valeve la pene di tentâ di dâ dongje cheste socie di students furlans che a operassin pe cause furlane. Pre Checo i volè dâ lui il non di ‘Union furlane dai universitaris'"
da "Memoriis di politiche linguistiche" di Adrian Cescje
dâ v.tr.
Assegnâ alc di fâ
esempi
"si inzegne a fâ juste apont il cjaliâr, in spiete che la int i dei di blecâ ca e là, in mût di puartâsi fûr mai alc di campâ"
da "Storie di Vera" di Ivano Urli
"i vigjii di Codroip no i àn mai dade une multe, parcè che, se ancje i metevin il sflic sul veri, lui al leve a cirîju un par un e ur al tornave"
da "Pre Pitin" di Antoni Beline
"in gjenar, a ognidun [dai intervistadôrs] a son stâts dâts di fâ cuistionaris tal teritori di residence"
da "La cundizion sociolinguistiche dal furlan" di Linda Picco
dâ v.tr.
Produsi alc di materiâl o di cuantificabil
sinonimi
butâ, fâ cjapâ, rindi, fâ
esempi
"i mostrà il strop des sanmartinis spueadis dal frêt. «A àn dât flôrs di maravee chest an» dissè"
da "La tiere di Lansing" di Maria Forte
"tai moments di polse, al judave la femine a sgropolâ chei doi cjamputs che i davin la polente"
da "L'avôt" di Maria Forte
"un invistiment che al da un bon interès"
dâ v.tr.
Di femine o di mascje di animâl, parturî
esempi
"Dree al pensave a Rose, che e jere deventade la sô femine e i veve dâts doi fruts, un par sorte"
da "Cidulis" di Gianfranco Pellegrini
dâ v.tr.
Fâ une cualchi azion che e prodûs une emission, une percezion e v.i.
sinonimi
butâ fûr, dâ fûr, emeti, molâ fûr, spandi, petâ
esempi
"Matie al da un berli e i cor dongje: - Sandriii! Ce ti àno fat?!… maladets!"
da "Sul agâr" di Pieri Menis
"Cun cheste curiositât o sin lâts a dâ un cuc, ancje, ae mostre dai pitôrs carintians"
da "Pitôrs di là de stangje" di Josef Marchet
"lait a sintî cemût che la scuele e tire sù i nestris fruts; dait une voglade ai lôr libris, ai lôr compits"
da "Scuele incurabil" di Josef Marchet
"dâ une nasade al tabac"
dâ v.tr.
Fâ une azion, in gjenar caraterizade dal fat di jessi singule o svelte o pôc curade o imburide o sim.
esempi
"une frutate dai sotans che i lavoravin il broili e lave ogni tant a spalancâ un barcon, a dâ une passade al polvar su la mobilie e ai paviments"
da "La aghe da pît la cleve" di Dino Virgili
"e tire fûr une letare, le spieghe, i dâ une lete, e impie une cjandele e le bruse"
da "Un pugn di moscjis" di Pieri Somede dai Marcs
"i cjavei drets par aiar che no mi stan jù nancje cul dâur une martielade"
da "Sul florî" di AAVV
"e à dât une netade ae cjamare"
da "Faliscjis" di Cristina Noacco
"cjapade pal braç sô sûr, al de un salt fûr de puarte, e jù tun atim dut il mulin si sdrumà te roie"
da "La mulinarie" di Catarine Percude
dâ v.tr.
Fâ alc indreçât a cdn. altri che al domande un impegn, une organizazion e v.i.
sinonimi
organizâ, prontâ
esempi
"no veve pierdût ancjemò il gust di dâ fiestis in cjase"
da "Il dolfin" di Carlo Sgorlon
"dâ un riceviment"
dâ v.tr.
Impegnâsi par passâ une prove o sim.
sinonimi
frontâ
esempi
"o scugnivi decidimi a dâ i ultins esams e a parecjâ la tesi"
da "Trê feminis" di Gianni Gregoricchio
dâ v.tr.
Cu la preposizion "di", tratâ intune cierte maniere
esempi
"«Par cuant pensistu... Par cuant pensaiso di finîle?» i domandave. «Tu puedis ancje dâmi dal tu, se tu vûs», dissal Eliseo. «Scusait, mi soi sbaliât». «Ma jo o ai miôr se tu mi dâs dal tu»."
da "Prime di sere" di Carlo Sgorlon
"ti cjalavin tant che se tu fossis un barbezuan, e ti devin ancje dal maleducât, parcè che nol pâr bon fâ il lôf cuant che ducj a fasin lis pioris"
da "Il lôf" di Fabian Ros
dâ v.tr.
Cu la preposizion "par", considerâ, vê un ciert pinsîr, vê une cierte opinion
esempi
"i rivà la letare dal Ministeri: Meni al jere dât par dispierdût"
da "Trê feminis" di Gianni Gregoricchio
"nol conven mai dâ par reâl ce che al è su la cjarte"
da "Scuelis di cualitât e lenghis di minorance. Une riflession su la lenghe furlane intes scuelis" di Mario Dutto
"al dave par sigûr che a vessin traviersât il flum, invezit Veloce, dopo chê lungje nadade, al jere tornât fûr de stesse bande che al jere jentrât"
da "Il muc" di Roberto Ongaro
dâ v.tr.
Fâ une stime o une prevision
esempi
"«Vignint cun me ninin tu âs dome vuadagnât dai, jo vincjesiet agns e tu cuarantetrê». «Che nissun mai da però», al salte sù lui content, metintsi a puest il çuf come chei da publicitât dai shampoo"
da "Al prossim casting ti sielzin te" di Maurizio Mattiuzza
"dâ un cjaval dîs a un"
dâ v.tr.
Dî o fâ savê, comunicâ
esempi
"al rive in Comune un telegram dal prefet che al da la notizie uficiâl, al ordene di meti fûr lis bandieris e di «celebrare subito l'avvenimento »"
da "11 di Fevrâr 1929" di Pieri Somede dai Marcs
"si fermà sul pat des scjalis tal scûr e al de la buine gnot"
da "La massarie" di Dino Virgili
"tal indoman, Prin dal an, la canaie su la puarte a dâ il bundì, bon an pai siops "
da "La aghe da pît la cleve" di Dino Virgili
dâ v.tr.
Trasmeti o proietâ alc par radio, par television, al cine e v.i.
esempi
"ta chê sere a davin un film di pôre"
da "Mystical East" di Checo Tam
dâ v.intr.
Vê tant che direzion, inclinazion, orientament e v.i.
sinonimi
cjalâ, butâ, menâ, puartâ, vierzisi
esempi
"la cjanive e dave tun camarin là che al jere formadi, salams, la bafe, un socol"
da "I laris" di Meni Ucel
"te glesie di Madone di Graciis a Udin, che e da propit sul Zardin Grant, tra ducj i avôts, e je ancjemò une cueste dal drâc"
da "Friûl di Magance" di Sandri Carrozzo
dâ v.intr., v.tr.
Lâ a sbati
sinonimi
çocâ, petâ dentri, sbati, dâ dentri, dâ cuintri
esempi
"dâ il zenoli intal taulin"
"al à dât cu la machine tun arbul"
proverbi
"a chel mus che nol puarte bast, no si dai vene"
"a cui che al cjale il so fat, no si po dâi dal mat"
"a cui che nol puarte scjatule, no si dai tabac"
"a un che nol à ce fâ, il Signôr i 'nd da"
"al è miôr dâ che no ricevi"
"bisugne dâi timp al timp"
"brût riscjaldât no stâ dâjal a un malât"
"chê che al da il Signôr si le puarte vulintîr, chê che si fâs di bessôi e je plui pesante di puartâ"
"cualchidun di un côf bisugne dâjal al lôf"
"cuant che si è cjocs, ducj a dan di bevi"
"cui che al à binde le po dâ"
"cui che al da al ricêf"
"cui che al da al torne a cjapâ"
"cui che al da daurman al da dôs voltis"
"cui che ind à al à ancje di dânt"
"da la albe si da il bundì"
"dai a Cesar ce che al è di Cesar, dai a Diu ce che al è di Diu"
"dai al cjan che al è rabiôs"
"dai al cjan cuant che al scjampe"
"dai semule al mus, tu vanzis scalçs"
"dai tu mari, capìs tu brût"
"dâi une femine zovine a un vieli al è tant che dâi une cocule a un frut"
"dal dâ al vê e passe une biele diference"
"daspò fat ognidun al da consei"
"Diu mieze zornade le passe a fâlis, e chê altre mieze a dâlis"
"dulà che si à di dâ no si po scuedi"
"e je caritât tant a judâ cui che al vûl fâ robe, come a dâi un poc a cui che al vûl lâ in malore"
"i bêçs scuindûts no dan pro"
"i dan trê dîs ancje a cui che a àn di picjâ"
"i fruts no disin: pari biel, mari biele; ma: dami alc in te scudiele"
"il lôf no i domande al pastôr che i dei lis pioris"
"il muart al puarte vie ce che al à dât"
"il Signôr ind à di dânt a ducj"
"il Signôr no ur da i dincj ai crots par che no çoncjin il palût"
"il vassiel al da chel vin che al à"
"il vin i da fuarce a la lenghe e ur e cjol a lis gjambis"
"in vuere si va cun doi sacs: un par dâlis e un par cjapâlis"
"la blesteme a va ator siet agns e po e torne a colâ su par cui che le da"
"la bote e da di chel savôr che e à"
"la bramazion e ven, e va; po e torne su la schene di cui che le da"
"la buine dote le da il pari, la buine femine il Signôr"
"la fam i da bon savôr al pan"
"la femine e à il cûr a fetis e, se lis da, no son mai netis"
"la gracie di Diu e je dade par che si gjoldi"
"la lenghe no à vues ma si fâs dâ sul dues"
"la vît e dîs dâmi che ti darai"
"mâl par cui che lis da, piês par cui che lis cjape"
"maridaitlu: mari, daitlu!"
"miôr dâ la lane che no la piel"
"miôr dâ la lane che no la piore"
"nissun nol po dâ ce che nol à"
"no si da mai la rassade se no je plene la mezine"
"no si da pan che nol puarti ancje un insegnament"
"no si po dâi al paron? une clapade al cjan"
"nol è stiç che nol dei fum"
"nol zove predicjâ se esempli no si da"
"par nuie nissun nol da nuie"
"robe dade mai tornade, cul curtìs insanganade"
"robe dade, mai plui tornade"
"Sant Roc i da la clâf a ogni pitoc"
"Sant Simon i da la clâf al so paron"
"se si da la man bisugne dâ ancje il braç"
"si da il bundì e il bon an daûr de persone"
"si da la rassadorie cuant che e je plene la misure"
"si daur il sorc ai purcits magris"
"si scuen contentâsi di ce che al da il covent"
"tes barufis si va cun doi sacs: un par dâlis e un par cjapâlis"
"tes causis a vuelin trê robis: vê reson, savêle dî e cjatâ cui che le dedi"
"tirâ il pont tant che si po, ma dâi a ognidun il so"
"un arbul che nol florìs nol da pomis"
Torna in Cima
Torna in Cima