SuperDizionari

organizâ v.tr.
(or-ga-ni-zâ)

Dâ un ciert ordin a une schirie di elements

sinonims

coordenâ, ordenâ, regolâ

esemplis

"ae comunitât i spietave il compit di organizâ lis risorsis dal teritori secont une consuetudin ereditade dai vons"

gjavât fûr di "Ri-cognossi la autonomie" di Angelo Floramo

"la man çampe invezit e je colegade cul emisferi di diestre dal cerviel, dulà che a vegnin organizadis funzions [...] come la sensibilitât pal mont e lis visions"

gjavât fûr di "Il cjâf dai furlans" di Franc Fari

organizâ v.tr.
(or-ga-ni-zâ)

Preparâ alc che al domande ordin o une sucession ordenade di azions

sinonims

conciertâ, cumbinâ, meti in pîts, parecjâ, preparâ, prontâ, inmaneâ, meti sù, imbastî

esemplis

"Morawski al veve vude la incarghe di organizâ un congrès culturâl"

gjavât fûr di "Messe di misdì a Varsavie" di Agnul di Spere

"[ai 4 di Novembar dal 1925] un grup di buiês al organize il prin atentât cuintri la vite dal Duce"

gjavât fûr di "Cuintristorie dal Nûfcent 1920-1930" di Angelo Floramo

organizâ v.tr.
(or-ga-ni-zâ)

Clamâ adun, preparâ, coordenâ un trop di personis par rivâ a un fin precîs

sinonims

ordenâ, coordenâ, dâ adun, meti adun

esemplis

"une prove di organizâ partesans su lis monts, fate dal '64-'65 par ordin di Mazzini e finì in nuie"

gjavât fûr di "Cuintristorie dal Friûl fin sot la Italie" di Josef Marchet

"te societât dai operaris di Sant Denêl il professôr Nibil Cignulin al veve proponût di organizâ miei i emigrants"

gjavât fûr di "La aghe da pît la cleve" di Dino Virgili

monolengâl