Tu âs cirût la peraule
bilengâl monolengâl
Tu âs cirût la peraule
ammollirsi
torne indaûr

bilengâl

ammollirsi v.pronom.intr.
  • 1

    v.pronom.intr. dismolâsi Copie

    [CO] (deventâ mol)
    col calore la cera si ammollisce = cul calôr la cere si dismole

monolengâl

dismolâsi v.pron.intr.
(dis-mo-lâ-si)
Deventâ mancul dûr
sinonims
smolâsi, inmorbidîsi, morbidîsi, slassâsi
esemplis
"se la spongje e reste fûr si dismole"
dismolâsi v.pron.intr.
(dis-mo-lâ-si)
Deventâ mancul strent, tacâ a disleâsi
esemplis
"fâ un grop dopli par che no si dismoli"
dismolâsi v.pron.intr.
(dis-mo-lâ-si)
Gjavâsi o ancje lassâsi lâ, lassâsi colâ
sinonims
distacâsi
esemplis
""Lassaitmi, sâr pari! …" si dismolà Guri"
gjavât fûr di "La aghe da pît la cleve" di Dino Virgili
"o cjali chestis fueis / ingrintulidis / che a si dismòlin dai ramaçs"
gjavât fûr di "Passant" di Cesare Bortotto
"gotis di aghe come brilants si dismolavin dai spissulons di glaç"
gjavât fûr di "11 di Fevrâr 1929" di Pieri Somede dai Marcs
dismolâsi v.pron.intr.
(dis-mo-lâ-si)
Deventâ plui mugnestri, plui moderât, plui sensibil (fig.)
sinonims
smolâsi, indolcîsi, morestâsi
esemplis
"nancje cuant che e vignì fûr la cjacare che Miute e jere gruesse, chei mostacjins di viei no si dismolarin"
gjavât fûr di "Sot il puarti" di Pieri Menis
"None Lise, alore, e sintì a dismolâsi il cûr tignût dûr fin li, e la muse si bagnà di lagrimis"
gjavât fûr di "Cjase di Dalban" di Maria Forte
dismolâsi v.pron.intr.
(dis-mo-lâ-si)
Pierdi tension, jessi mancul tirât (fig.)
sinonims
ingropâsi, intenerîsi
esemplis
"encja lui al si poa: la gnervadura a si dismola, i voi a clopin"
gjavât fûr di "I cjans di not" di Novella Cantarutti
"fevelant cun chei amîs, la tension si dismole"
gjavât fûr di "Malade" di Maria Norma Coletti
dismolâsi v.pron.intr.
(dis-mo-lâ-si)
Vinci l'imberdei, la sudizion o ancje lassâ di bande la dissipline, lis formis, il rigôr (fig.)
sinonims
smolâsi, sfrancjâsi
esemplis
"tor des trê il paron al de di spine al caratel e la fieste e començà. Al jere za un pôc che si jerin dismolâts, cuant che si sintì une vôs"
gjavât fûr di "Une letare par Bepo" di Pieri Menis
"par une volte ad an si dismolin e a ‘nt cumbinin di gruessis"
gjavât fûr di "Il carnevâl intal mont todesc" di Barbara Cinausero
torne sù
torne sù