Tu âs cirût la peraule
bilengâl monolengâl cognons
Tu âs cirût la peraule
amore
torne indaûr

bilengâl

amore s.m.
  • 1a

    s.m. amôr Copie

    [FO] (grant afiet par cdn.)
    amore fraterno = amôr di fradi
    fare follie per amore = fâ matetâts par amôr
  • 1b

    s.m. amôr Copie

    [FO] (sintiment fuart par cdn., massime di chel altri ses che al à par fonde il desideri erotic e l'afiet)
    amore corrisposto = amôr apaiât
    amore non corrisposto = amôr malapaiât
    canzoni d'amore = cjançons di amôr
    dichiarazione d'amore = declarazion di amôr

    s.m. amôr, ses Copie

    (sessualitât, erotisim)
    fisiologia dell'amore = fisiologjie dal amôr

    s.m. amôr Copie

    (intai animâi, l'istint sessuâl e il moment che si manifeste l'istint riprodutîf)
    andare in amore = lâ in amôr
  • 1c

    s.m. amôr Copie

    [FO] (inte religjon cristiane, grande bontât di Diu)
    l'amore infinito di Dio = l'amôr infinît di Diu

    s.m. amôr Copie

    (traspuart dal om par Diu e pal prossim)
  • 2

    s.m. Amôr, Eros Copie

    [TS] mitol. (cu la iniz. maiusc., inte mitologjie classiche il diu dal amôr)
  • 3

    s.m. vite, amôr Copie

    [FO] (persone che si vuelii ben)
    amore mio = vite mê
    sei il mio amore = tu sês il gno amôr
  • 4

    s.m. bombon, bisù Copie

    [FO] (alc di une vore ninin)
    questo vestito è un amore = chest vistît al è un bisù
    un amore di bambina = un bombon di frute
  • 5

    s.m. amôr Copie

    [FO] (rapuart, fat amorôs)
    ha avuto molti amori = al à vût tancj amôrs
  • 6

    s.m. cûr, amôr Copie

    [FO] (grande passion, interès marcât)
    fare un piacere con amore = fâ un plasê di cûr

    s.m. brame, amôr, gole Copie

    (grande brame)
    amore per il denaro = gole di bêçs
  • 7

    s.m. amôr Copie

    [TS] zûcs (intai tarocs, un dai arcans maiôrs)

locuzions

    amore ancillare
  • [CO] (rapuart sentimentâl o sessuâl fat cuntune camarele)
    si ricordava di quell'amore ancillare = si visave di chel amôr oppure chê storie cu la massarie
    • amore di gruppo
  • amôr di grup, amôr coletîf, amôr in grumCopie
    [CO] (rapuarts sessuâi tra plui di lôr in maniere simultanie)
    • amore efebico
  • [BU] (cjale pederastia)
    • amore greco
  • [BU], [CO] (cjale pederastia)
    • amore lesbico
  • amôr lesbicCopie
    [CO] (amôr omosessuâl tra feminis)
    • amore libero
  • amôr libarCopie
    [CO] (libertât intai rapuarts sessuâi)
    • amore platonico
  • amôr platonicCopie
    [CO] (amôr dome spirituâl)
  • amôr platonicCopie
    (amôr no declarât e no apaiât)
    tra loro c'è un amore platonico = tra di lôr al è un amôr platonic
    • libero amore
  • [CO] (cjale amore libero)
    • per amore o per forza
  • par sante scugne, par amôr o par fuarce, rugnint o rugnant, par sant scugnî, par bocon o par prionte, voie o no voieCopie
    [CO] (in ogni câs, in ogni mût)
    devo partire, per amore o per forza = o ai di partî, par amôr o par fuarce

monolengâl

cûr s.m.
Orghin vitâl che al pompe sanc intal cuarp
esemplis
"masse sâl al fâs alçâ la pression e cressi il pericul di malatiis dal cûr e de circolazion"
gjavât fûr di "Mangje san 2" di Guglielmo Pitzalis
"Eve e sintì il cûr a cori plui svelt"
gjavât fûr di "Ombris tal infinît" di Carlo Sgorlon
"secui di vite ferme disgotâts moment par moment, respîr par respîr, batude par batude di cûr, un compagn di chel altri"
gjavât fûr di "La aghe da pît la cleve" di Dino Virgili
cûr s.m.
Chel orghin di animâi macelâts, tant che aliment o ingredient
esemplis
"comprâ doi cûrs di purcit in becjarie"
cûr s.m.
Part dal pet in corispondence di chel orghin
esemplis
"al veve metude une man sul cûr che al sbalçave e lui sal sintive a sbalçâ come un crot dentri de cjamese"
gjavât fûr di "La aghe da pît la cleve" di Dino Virgili
cûr s.m.
Forme plui o mancul triangolâr, a ponte sot e cun doi lobis parsore, che e somee un cûr
esemplis
"al curiosave fra i ex voto picjâts sù pal mûr di un altâr, cruchiis, gjambis e braçs di len, cûrs di arint, cuadruts piturâts a vueli"
gjavât fûr di "Ta la ombre dal santuari" di Pieri Somede dai Marcs
"a plante [di lavaç di cais] e à fueis in forme di cûrs cun pecol, chês da pît une vore grandis (a rivin fintremai a 40 o 50 cm. di largjece)"
gjavât fûr di "Jerbis salvadiis inte cusine furlane" di Giorgio Pascoli
cûr s.m.
[CO] (zûcs) Tal pl., un dai cuatri pâi des cjartis di zûc francesis
esemplis
"regjine di cûr"
cûr s.m.
Sît dai afiets e des emozions, part emozionâl de persone (fig.)
sinonims
anime
esemplis
"cun lôr, il gno cûr nol à plui segrets"
gjavât fûr di "Trê feminis" di Gianni Gregoricchio
"in cûr un sens di vite plene, di ligrie profonde che a i faseve dismenteâ la strade, il frêt che i taiave la muse, il troi di clapigne"
gjavât fûr di "O sielç lis stelis" di Pieri Somede dai Marcs
"l'è ben vêr che jo mi slontani / dal paîs ma no dal cûr. / Sta pûr salde tu ninine / che jo o torni se no mûr"
gjavât fûr di "L'è ben vêr" di Popolâr
"«A na è biela mê fia, ma a à cjâf e cour e na buna dota che a na è mai massa»"
gjavât fûr di "Li streci rossi" di Novella Cantarutti
cûr s.m.
Capacitât, disposizion e sintiment di volê ben o inamorament (fig.)
sinonims
amôr, afiet, ben
esemplis
"tancj pinsîrs e suposizions e un tremaç di zenoi tant che in chê dì che lui le veve bussade pe prime volte. Il cûr, e pensave, nol ven mai vieri"
gjavât fûr di "Il muc" di Roberto Ongaro
"al cûr no si po comandâ"
gjavât fûr di "Vilie di Nadâl" di Pieri Somede dai Marcs
cûr s.m.
Fuarce di spirt, mancjance di pôre (fig.)
sinonims
coragjo, ardiment, amit, olse, fiât, coraç
esemplis
"al scugnì zirâ i voi di une altre bande, Berto, par cjatâ il cûr di meti fûr ce che i pesave sul stomi"
gjavât fûr di "Trê feminis" di Gianni Gregoricchio
cûr s.m.
Part centrâl (fig.)
sinonims
centri, mieç, nucli, nusel, plen
esemplis
"il cûr de citât, di dimensions vivibilis come grandece e come int, al à la basiliche, il palaç dal vescul e chel dai cjalunis, la universitât, il palaç de aministrazion civîl, il 'seminari, il convent di Sant Francesc, l'ospizi pai pelegrins, trasformât in albierc di lus, l'istitût pe lenghe e pe culture galiziane, i cuartîrs dal marcjât, dai mistîrs, lis stradis che a rivavin i pelegrins, lis glesiis, lis buteghis, ma dut armonizât, cence contrascj e cence sfuarçaduris"
gjavât fûr di "Sant Jacum, là che al finìs il mont" di Antoni Beline
cûr s.m.
Part essenziâl, plui impuartante
esemplis
"i nestris paris fondatôrs a àn savût lâ al cûr de cuistion furlane, la autentiche e uniche cuistion, che e segne la diference fra il sucès e il faliment di ogni nestre iniziative"
gjavât fûr di "Sessante agns di profezie " di Antoni Beline
detulis
"a Pasche Tafanie, il râf al piert il cûr e la anime"
"al è râr di cjatâ une frute che di cuarp e di cûr e sedi sane dute"
"al nûl e al cûr nissun no i comande"
"al timp e al cûr nissun no i comande"
"al timp, al cûr e al cûl nissun no i comande"
"al vâl plui il cûr content che no dut l'aur di chest mont"
"al vâl plui il cûr content che no pan di forment"
"ce che no si à in cûr, si à in gjambis"
"ce che no si à in cûr, si à in lenghe"
"ce che si à in cûr si à di vê in lenghe"
"cjantâ no si po ben se dal cûr nol ven"
"cuant che dal cûr nol ven, cjantâ no si po ben"
"cui che al à in cûr al à in lenghe"
"cui che si lasse cridâ al è paron dal so cûr"
"cui che si lasse vuidâ al è paron dal so cûr"
"dispès la bocje a spude fûr cemût che al judiche e che al sint il cûr"
"dulà che il cûr al tire lis gjambis a puartin"
"il cûr al resone a so mût"
"il prin amôr nol scjampe mai dal cûr"
"il segret al è la clâf dal cûr"
"il voli al è il spieli dal cûr"
"l'om nol cognòs il cûr e la ment dal altri om"
"la femine e à il cûr a fetis e, se lis da, no son mai netis"
"lis gjambis a puartin là che il cûr al tire"
"lontan dai voi, lontan dal cûr"
"man frede, cûr cjalt"
"nissun om nol cognòs il cûr dal altri om"
"no si po ridi ben co dal cûr no ven"
"no si po volê ben cuant che dal cûr nol ven"
"ogni cûr il so misteri, ogni cjase il so costum"
"plui piçul al è il cûr des feminis, plui lungje la lenghe"
"une idee e nas tal cjâf ma e cres tal cûr"
"une nuviçute co a va a marît cu la bocje e vai e cul cûr e rît"
torne sù

cognons

Amore
Difondût e une vore frecuent in dute la Italie meridionâl, al à ae base il non afetîf Amore, comun te Ete di Mieç, sostignût dal non componût Bellamóre. Si lu cjate a Udin.
Amoretti
Come Amore (viôt), ma in version diminutive cjarinative. Difondût te provincie di Imperia, avonde frecuent in chê di Parme. Presint a Udin.
torne sù