Tu âs cirût la peraule
bilengâl monolengâl
Tu âs cirût la peraule
animo
torne indaûr

bilengâl

animo s.m., inter.
  • 1

    s.m. cûr Copie

    [FO] (complès des carateristichis morâls e spirituâls di une persone)
    è una persona di animo buono = e je une persone di cûr
    essere di animo buono = jessi di cûr oppure jessi bon di cûr
    essere di animo generoso = jessi larc di cûr
    essere di animo malvagio = jessi trist di cûr oppure di cûr trist

    s.m. cjâf Copie

    (cjâf, intelet)
    mi nasce nell'animo un sospetto = mi ven un suspiet tal cjâf
  • 2

    s.m. voie, ment Copie

    [FO] (disposizion, inclinazion)
    giudicare con animo sereno = judicâ a ment serene
    non mostrava animo di voler partire = nol someave che al ves voie di lâ
    si misero al lavoro di buon animo = a tacarin a lavorâ di buine voie
  • 3

    s.m. cûr, intenzion Copie

    [CO] (intenzion, proposit)
    mostrava animo di vendicarsi = al mostrave cûr di svindicâsi
    parlò con l'animo di offendere = al fevelà cu la intenzion di ofindi
  • 4

    s.m. cûr, fiât, coraç Copie

    [CO] (coraç)
    non avere l'animo di fare niente = no vê cûr oppure coraç di fâ nuie
    non mi è bastato l'animo per mandarlo via = no ai vût cûr di parâlu vie
    prendere animo = cjapâ cûr
  • 5

    inter. anime, fuarce, aide, sù po, dai mo Copie

    [CO]
    animo, ragazzi! = sù po, fruts, anime!

locuzions

    ad un animo
  • ducj adun, cuntune vôs sole, in unanimitât, cuntune anime soleCopie
    [BU] (ducj dacuardi cence ecezion)
    • avere in animo
  • ve cheCopie
    [CO] (vê une intenzion)
    aveva in animo di cambiare lavoro = al veve chê di cambiâ vore
    • d'un animo
  • [BU] (cjale ad un animo)
    • di buon animo
  • di buine voie, di gust, di bon umôrCopie
    [CO] (vulintîr)
    andare a scuola di buon animo = lâ a scuele di buine lune
  • di bon umôr, di buine luneCopie
    [CO] (legri, seren, cuiet)
    è sempre di buon animo = al è simpri di buine lune
    • di mal animo
  • cuintri voie, cuintri stomi, di male voie, di cuintri voie, di cuintri stomiCopie
    [CO] (-)
    fare qcs. di mal animo = fâ alc di male voie
    • fare animo
  • fâ cûr, tignî sù, fâ coraçCopie
    [CO] (judâ a stâ sù di morâl)
    sua moglie cercava di fargli animo = la femine e cirive di tignîlu sù
    • farsi animo
  • tignîsi sù, fâsi cûr fuart, fâ cûr fuartCopie
    [CO] (cjapâ cûr)
    fatti animo = tegniti sù si fece animo e raccontò tutto a suo padre = si fasè il cûr fuart e e contà dut a so pari

monolengâl

cûr s.m.
Orghin vitâl che al pompe sanc intal cuarp
esemplis
"masse sâl al fâs alçâ la pression e cressi il pericul di malatiis dal cûr e de circolazion"
gjavât fûr di "Mangje san 2" di Guglielmo Pitzalis
"Eve e sintì il cûr a cori plui svelt"
gjavât fûr di "Ombris tal infinît" di Carlo Sgorlon
"secui di vite ferme disgotâts moment par moment, respîr par respîr, batude par batude di cûr, un compagn di chel altri"
gjavât fûr di "La aghe da pît la cleve" di Dino Virgili
cûr s.m.
Chel orghin di animâi macelâts, tant che aliment o ingredient
esemplis
"comprâ doi cûrs di purcit in becjarie"
cûr s.m.
Part dal pet in corispondence di chel orghin
esemplis
"al veve metude une man sul cûr che al sbalçave e lui sal sintive a sbalçâ come un crot dentri de cjamese"
gjavât fûr di "La aghe da pît la cleve" di Dino Virgili
cûr s.m.
Forme plui o mancul triangolâr, a ponte sot e cun doi lobis parsore, che e somee un cûr
esemplis
"al curiosave fra i ex voto picjâts sù pal mûr di un altâr, cruchiis, gjambis e braçs di len, cûrs di arint, cuadruts piturâts a vueli"
gjavât fûr di "Ta la ombre dal santuari" di Pieri Somede dai Marcs
"a plante [di lavaç di cais] e à fueis in forme di cûrs cun pecol, chês da pît une vore grandis (a rivin fintremai a 40 o 50 cm. di largjece)"
gjavât fûr di "Jerbis salvadiis inte cusine furlane" di Giorgio Pascoli
cûr s.m.
[CO] (zûcs) Tal pl., un dai cuatri pâi des cjartis di zûc francesis
esemplis
"regjine di cûr"
cûr s.m.
Sît dai afiets e des emozions, part emozionâl de persone (fig.)
sinonims
anime
esemplis
"cun lôr, il gno cûr nol à plui segrets"
gjavât fûr di "Trê feminis" di Gianni Gregoricchio
"in cûr un sens di vite plene, di ligrie profonde che a i faseve dismenteâ la strade, il frêt che i taiave la muse, il troi di clapigne"
gjavât fûr di "O sielç lis stelis" di Pieri Somede dai Marcs
"l'è ben vêr che jo mi slontani / dal paîs ma no dal cûr. / Sta pûr salde tu ninine / che jo o torni se no mûr"
gjavât fûr di "L'è ben vêr" di Popolâr
"«A na è biela mê fia, ma a à cjâf e cour e na buna dota che a na è mai massa»"
gjavât fûr di "Li streci rossi" di Novella Cantarutti
cûr s.m.
Capacitât, disposizion e sintiment di volê ben o inamorament (fig.)
sinonims
amôr, afiet, ben
esemplis
"tancj pinsîrs e suposizions e un tremaç di zenoi tant che in chê dì che lui le veve bussade pe prime volte. Il cûr, e pensave, nol ven mai vieri"
gjavât fûr di "Il muc" di Roberto Ongaro
"al cûr no si po comandâ"
gjavât fûr di "Vilie di Nadâl" di Pieri Somede dai Marcs
cûr s.m.
Fuarce di spirt, mancjance di pôre (fig.)
sinonims
coragjo, ardiment, amit, olse, fiât, coraç
esemplis
"al scugnì zirâ i voi di une altre bande, Berto, par cjatâ il cûr di meti fûr ce che i pesave sul stomi"
gjavât fûr di "Trê feminis" di Gianni Gregoricchio
cûr s.m.
Part centrâl (fig.)
sinonims
centri, mieç, nucli, nusel, plen
esemplis
"il cûr de citât, di dimensions vivibilis come grandece e come int, al à la basiliche, il palaç dal vescul e chel dai cjalunis, la universitât, il palaç de aministrazion civîl, il 'seminari, il convent di Sant Francesc, l'ospizi pai pelegrins, trasformât in albierc di lus, l'istitût pe lenghe e pe culture galiziane, i cuartîrs dal marcjât, dai mistîrs, lis stradis che a rivavin i pelegrins, lis glesiis, lis buteghis, ma dut armonizât, cence contrascj e cence sfuarçaduris"
gjavât fûr di "Sant Jacum, là che al finìs il mont" di Antoni Beline
cûr s.m.
Part essenziâl, plui impuartante
esemplis
"i nestris paris fondatôrs a àn savût lâ al cûr de cuistion furlane, la autentiche e uniche cuistion, che e segne la diference fra il sucès e il faliment di ogni nestre iniziative"
gjavât fûr di "Sessante agns di profezie " di Antoni Beline
detulis
"a Pasche Tafanie, il râf al piert il cûr e la anime"
"al è râr di cjatâ une frute che di cuarp e di cûr e sedi sane dute"
"al nûl e al cûr nissun no i comande"
"al timp e al cûr nissun no i comande"
"al timp, al cûr e al cûl nissun no i comande"
"al vâl plui il cûr content che no dut l'aur di chest mont"
"al vâl plui il cûr content che no pan di forment"
"ce che no si à in cûr, si à in gjambis"
"ce che no si à in cûr, si à in lenghe"
"ce che si à in cûr si à di vê in lenghe"
"cjantâ no si po ben se dal cûr nol ven"
"cuant che dal cûr nol ven, cjantâ no si po ben"
"cui che al à in cûr al à in lenghe"
"cui che si lasse cridâ al è paron dal so cûr"
"cui che si lasse vuidâ al è paron dal so cûr"
"dispès la bocje a spude fûr cemût che al judiche e che al sint il cûr"
"dulà che il cûr al tire lis gjambis a puartin"
"il cûr al resone a so mût"
"il prin amôr nol scjampe mai dal cûr"
"il segret al è la clâf dal cûr"
"il voli al è il spieli dal cûr"
"l'om nol cognòs il cûr e la ment dal altri om"
"la femine e à il cûr a fetis e, se lis da, no son mai netis"
"lis gjambis a puartin là che il cûr al tire"
"lontan dai voi, lontan dal cûr"
"man frede, cûr cjalt"
"nissun om nol cognòs il cûr dal altri om"
"no si po ridi ben co dal cûr no ven"
"no si po volê ben cuant che dal cûr nol ven"
"ogni cûr il so misteri, ogni cjase il so costum"
"plui piçul al è il cûr des feminis, plui lungje la lenghe"
"une idee e nas tal cjâf ma e cres tal cûr"
"une nuviçute co a va a marît cu la bocje e vai e cul cûr e rît"
torne sù
torne sù