Tu âs cirût la peraule
bilengâl monolengâl
Tu âs cirût la peraule
arco
torne indaûr

bilengâl

arco s.m.
  • 1

    s.m. arc Copie

    [FO] (arme doprade in vuere e par cjaçâ, vuê ancje imprest sportîf, formât di une struture lungje e elastiche che aes dôs estremitâts i si fisse une cuarde in tension, par trai frecis)
    ha partecipato ad una gara di tiro con l'arco = al à partecipât a une gare di tîr cul arc
  • 2a

    s.m. volt, arc Copie

    [FO] edil. (struture architetoniche che e poie su colonis, parêts e v.i.)
    un arco sostenuto da due colonne = un volt tignût sù di dôs colonis
    un porticato con due archi = un puarti cun doi arcs oppure volts
  • 2b

    s.m. arc Copie

    [FO] (in riferiment a ce che al è curvât, pleât)
    arco delle sopracciglia = l'arc dai ceis
    l'arco dell'orizzonte = l'arc dal orizont
  • 3a

    s.m. zîr Copie

    [CO] (in rivuart al timp che al passe)
    nell'arco di un anno = tal zîr di un an

    s.m. arc Copie

    (riferît a alc che al passe par plui fasis)
    l'arco della vita = l'arc de vite
  • 3b

    s.m. schirie Copie

    [CO] (une cuantitât no determinade)
    avere a disposizione un arco di risorse = vê a man une schirie di risorsis
  • 4

    s.m. archet, arc Copie

    [TS] mus. (imprest fat di un bachet flessibil, che al ten in tension grenis di cjaval, che si onzin cun pês, par fâ vibrâ cul sfreament lis cuardis di un strument musicâl)

    s.m. arcs Copie

    (tal pl., la part de orchestre che e je fate dai struments musicâi che si sunin cul arc)
  • 5

    s.m. arc Copie

    [TS] gjeom. (part di une curve cjapade tra doi ponts)
  • 6

    s.m. arc Copie

    [TS] anat. (segment di circonference di un orghin)

    s.m. arc Copie

    (trat curvât di une struture vascolâr, di un gnerf, di un vues)
  • 7

    s.m. arc Copie

    [TS] polit. (complès di fuarcis politichis)
    le trattative tra i partiti dell'arco costituzionale = lis tratativis tra i partîts dal arc costituzionâl

locuzions

    arco a pieno centro
  • [TS] arch. (cjale arco a tutto sesto)
    • arco a sesto acuto
  • arc goticCopie
    [TS] arch. (arc cu la rande formade di doi arcs di cercli che si incrosin formant une spice)
    • arco a sesto rialzato
  • arc a fier di cjavalCopie
    [TS] arch. (arc che al va daûr di une linie plui grande di un semicercli)
    • arco a tutto sesto
  • arc taront, arc semicircolârCopie
    [TS] arch. (arc che al à la forme di semicercli)
    • arco al mercurio
  • arc al mercuriCopie
    [TS] eletr. (arc eletric che si forme tra eletrodis di mercuri, doprât tant che sorzint di lûs)
    • arco aortico
  • [CO], [TS] anat. (cjale arco dell'aorta)
    • arco cantante
  • arc cjantantCopie
    [TS] eletr. (arc eletric li che e cor une corint ossilante cuntune frecuence acustiche che si pues sintî)
    • arco dell'aorta
  • arc de aorteCopie
    [TS] anat. (toc iniziâl e a volt de aorte)
    • arco di recesso
  • arc di recèsCopie
    [TS] mec. (part dal arc di azion di une cubie dintade che al sta tra il pont di tangjence primitîf e il pont li che al finìs il contat)
    • arco di trionfo
  • arc di trionfCopie
    [CO] (monument fat di un grant arc par celebrâ vitoriis o sim.)
    un arco di trionfo romano = un arc di trionf roman
    • arco parlante
  • [TS] eletr. (cjale arco cantante)
    • arco Poulsen
  • arc PoulsenCopie
    [TS] eletr. (gjenar di ossiladôr eletric, che une volte lu dopravin tant che gjeneradôr di ossilazions par radiocomunicazions)
    • arco voltaico
  • arc voltaicCopie
    [TS] eletr. (arc eletric che si forme tal aiar libar tra doi eletrodis di cjarbon di stuarte, doprât tant che sorzint luminose)
    • avere molte frecce al proprio arco
  • vê tantis frecis tal so arc, vê tantis cuardis tal so arc, vê tantis cjartis in man, vê tantis cjartis di zuiâCopie
    [CO] (vê a disposizion tantis risorsis, pussibilitâts)
    era sicuro di avere molte frecce al proprio arco = al jere sigûr di vê ancjemò tantis cjartis in man
    • freccia di un arco di curva
  • frece di arc di curve, freceCopie
    [TS] gjeom. (segment perpendicolâr ae cuarde di une curve che al partìs dal so pont median, tra la cuarde e l'arc di curve)
    • lampada ad arco
  • lampade a arcCopie
    [TS] eletr. (lampade che la sô lûs e je produsude dal arc eletric che al partìs tra doi eletrodis alimentâts di corint eletriche)
    • oscillatore ad arco
  • ossiladôr a arcCopie
    [TS] eletr. (ossiladôr a resistence negative, che si avâl de curve in colade di un arc voltaic)
    • saldatrice ad arco
  • saldadore a fîl, saldadore a arcCopie
    [TS] tecn. (saldadore che e à un gjeneradôr di tension par alimentâ l'arc eletric)
    • saldatura ad arco
  • saldadore a arcCopie
    [TS] tecn. (saldadure che e fâs il calôr che al covente par saldâ cuntun arc voltaic che al salte o tra il toc di saldâ e un eletrodi o tra doi eletrodis di cjarbon o di metal)

monolengâl

zîr s.m.
Moviment circolâr o plui o mancul circolâr
sinonims
zirade, volt
esemplis
"la Roie e sclocjave difûr, tun discori cence padin di aghe sbaciade tai ingredeis des ruedis e tal zîr dai mulignei"
gjavât fûr di "Cjase di Dalban" di Maria Forte
"mi domandà il canocjâl par lâ daûr il svol di doi falcuçs, a gjavâmi fûr di chel fantasticâ. Al ste minûts intîrs a cjalâ i lôr zîrs a larc"
gjavât fûr di "Il dolfin" di Carlo Sgorlon
"e de lis stelis osservant il zîr, / un Pronostic o scrîf in poesie"
gjavât fûr di "Pronostic del 1821" di Pieri Çorut
zîr s.m.
Forme, struture, disposizion plui o mancul circolâr o che e cjape dentri alc
sinonims
cercli, volt
esemplis
"[a Palme] i forin zontâts trê zîrs di fortificazions"
gjavât fûr di "Passât gloriôs, avignî dubiôs" di Luca Zoratti
zîr s.m.
Circonference di une part dal cuarp o di un vistît o sim.
esemplis
"il parturî e i agns i àn slargjâts i flancs e il zîr de vite"
gjavât fûr di "Trê feminis" di Gianni Gregoricchio
zîr s.m.
Visite o ispezion a plui elements, robis, personis, lûcs e v.i.
esemplis
"a faserin il zîr des tassis [di modons] ancjemò cjaldis di for, e, a voli, a prossumarin di rivâ al numar"
gjavât fûr di "La tiere di Lansing" di Maria Forte
"Nearêt al jere fûr dal zîr dai gjendarmis austriacs e al lave ben par incuintris segrets"
gjavât fûr di "Il Risorziment a Martignà" di Elio Varutti
"il plevan [...] al scomençâ a fâ il zîr par benedî lis cjasis"
gjavât fûr di "Par une lengate" di Pieri Somede dai Marcs
zîr s.m.
Cjaminade o jessude, plui o mancul lungje, ancje in biciclete, in machine e v.i., spec. par straviâsi
esemplis
"intant che lu spietìn o lin a fâ un zîr par Padue"
gjavât fûr di "Jo e Graziella" di Mario Beltramini
"a fasevin zîrs [in biciclete] ator di Vendâs, Tuçan, Taraban fin al Incassar; po dilunc il bosc dal Tamarêt"
gjavât fûr di "Par stradis lungjis" di Alan Brusini
zîr s.m.
Gare a tapis
esemplis
"viodi la tape dal zîr di Italie"
gjavât fûr di "Il scandul dal Corpus Domini" di Riedo Pup
zîr s.m.
Dade di timp che si pues stâ intun puest daûr di un turni, daûr dal paiament di un biliet e sim.
esemplis
"[te gjostre] si pensave dome a trai e a zirâ plui svelts che si podeve par restâ sù plui di ducj e vinci un altri zîr"
gjavât fûr di "Faliscjis" di Cristina Noacco
"al jere alì dongje un grop di frutats che, cence bêçs, a spietavin di fâ a mache cualchi zîr montant di sbrisson cuant che il paron no ju viodeve"
gjavât fûr di "La cavalarice" di Pieri Somede dai Marcs
zîr s.m.
Moment li che al tocje alc, al sucêt alc o che si à une pussibilitât o ocasion
sinonims
volte, turni, viaç
esemplis
"sta fer un zîr [tal zûc da la ocje]"
gjavât fûr di "Il zûc de ocje in lenghe" di Erika Adami
"il probleme de normalizazion dal corpus de lenghe nol pues sei ancjemò frontât sul plan politic. Par chest zîr o vin di contentâsi"
gjavât fûr di "Memoriis di politiche linguistiche" di Adrian Cescje
zîr s.m.
Sucession dal timp, cun dadis che a tornin in maniere cicliche o cuntune parabule jenfri doi tiermins
esemplis
"Viertis e Sieradis cence storie, dentri dal zîr piçul dal timp, cun chê vite incidine che e gote jù in zornadis compagnis une da la altre"
gjavât fûr di "La aghe da pît la cleve" di Dino Virgili
zîr s.m.
Secuence di azions cuntun fin o cuntune relazion une cun chê altre
sinonims
cjadene, sucession, secuence
esemplis
"Konko al à scugnût scjampâ parcè che prin o dopo lu varessin cadumât… sâstu, tal zîr di svindics che ti disevi lui al jere deventât masse periculôs"
gjavât fûr di "Donald dal Tiliment" di Stiefin Morat
"viodistu, al è dut un zîr: cuant che mi pain me, jo ti pai te"
gjavât fûr di "Prime di sere" di Carlo Sgorlon
zîr s.m.
Tai zûcs di cjartis, un ciert numar di mans di zuiâ
esemplis
"o soi daûr a vinci money a camionadis, fradi! Tu ten dûr ancjemò une miezore che o finìs il zîr [a poker] e dopo o lin vie"
gjavât fûr di "Donald dal Tiliment" di Stiefin Morat
zîr s.m.
Robe di bevi, o ancje di mangjâ o altri, servide intune volte a un grup di personis
esemplis
"[al diseve] che lui al veve seit e che i vevi di lâ a ordenâ un altri zîr"
gjavât fûr di "Kebar krossè" di Stiefin Morat
zîr s.m.
Grup di personis che a àn in comun etât, interès, ativitâts e v.i.
sinonims
circul, clape, cubie, grup
esemplis
"la Miute e la Rosine a fasevin simpri la miôr figure, ancje tal zîr des fantatis di Udin"
gjavât fûr di "Cjase di Dalban" di Maria Forte
"puartâ lis tematichis dal autonomisim fûr dal zîr dai autonomiscj e di fâ cressi dut il moviment"
gjavât fûr di "Un Friûl difarent: i 90 mhz di Onde Furlane" di Max Mauro
zîr s.m.
Cuantitât di afârs economics, valôr in monede di dutis lis robis che si vendin
esemplis
"si calcole che lis scuelis estivis a movin un zîr economic di 50 milions di euros ad an"
gjavât fûr di "Irlande: la sierade des scuelis estivis e menace il Gaeltacht" di Carli Pup
"chê strade e je chê che e tire di plui! Li a son i locâi che a van di plui, li al è plui zîr, plui marcjât, plui bêçs"
gjavât fûr di "Donald dal Tiliment" di Stiefin Morat
zîr s.m.
[TS] (artes.) Tal lavôr di gucje, il completament di une rie
sinonims
trame
esemplis
"epûr mi pâr di no vê sbaliât, no volarès che mi tocjàs disfâ dut un zîr di fiers"
gjavât fûr di "Il prossim" di Pieri Somede dai Marcs
zîr s.m.
[TS] (anat.) Plee de superficie di un orghin o di une struture anatomiche
esemplis
"lis areis ativadis pe prime lenghe a jerin lis areis perisilvianis, cjapant dentri il zîr angolâr (Ba 39), i zîrs temporâi superiôr e median (Ba 21 e 22), il zîr frontâl inferiôr (Ba 45) e il pôl temporâl (Ba 38)"
gjavât fûr di "Neuroimagjins funzionâls e cerviel bilengâl" di Daniela Perani
zîr s.m.
Articolazion
esemplis
"[lu torturavin] cul molâi l'eletric tai zîrs dai braçs e des gjambis"
gjavât fûr di "Storie di Min" di Ivano Urli
detulis
"cu la pazience il pedoli al à fat il zîr dal mont"
torne sù
torne sù