SuperDizionari

trame s.f.
(tra-me)

[TS] (tess.) Complès di fîi tirâts par orizontâl tal telâr, che cun chei verticâi a fasin il tiessût

esemplis

"al sintive il trictrac dal telâr in vore, manovrât cui pîts de femine e il scori de navisele sui fîi tirâts de trame"

gjavât fûr di "Chei di Muraie" di Pieri Menis

trame s.f.
(tra-me)

Struture o part di une struture, ancje astrate, li che i diviers elements a son leâts tra di lôr (fig.)

sinonims

tiessût

esemplis

"ideologjiis cence costrut che a formin l'urdît e la trame de vueide e dispossente politiche taliane"

gjavât fûr di "Dodis mil e cuatricent" di Josef Marchet

trame s.f.
(tra-me)

Complès di acjadiments di une conte, di un romanç, di une pelicule e v.i. (fig.)

sinonims

azion, storie

esemplis

"libris passionants, ben scrits, coerents inte trame"

gjavât fûr di "Donald dal Tiliment" di Laurin Zuan Nardin

"la storie e mancjave di continuitât logjiche e la trame e veve plui busis che tacons"

gjavât fûr di "L'om che al pierdeve pinsîrs pe strade" di Fabian Ros

trame s.f.
(tra-me)

[TS] (sport) Sucession di azions di zûc ben coordenadis

trame s.f.
(tra-me)

Azion fate in segret, di scuindon, ancje par finalitâts pôc onestis (fig.)

sinonims

complot, insidie, machinazion, smaneç, tramai, vuaite

esemplis

""No tu sâs mai nuie, tu! Dome tramis ca dentri. Mah! Sai ben ce che o fâs, jo. No si po lâ indevant in cheste maniere.""

gjavât fûr di "A passe la scalmane" di Anute Fabris

monolengâl