Tu âs cirût la peraule
bilengâl monolengâl cognons
Tu âs cirût la peraule
balzano
torne indaûr

bilengâl

balzano adi., s.m.
  • 1

    s.m. balçan Copie

    [TS] zool. (di cjaval, che al à une fasse di pêl blanc parsore dai çucui)
    balzano da tre = balçan di trê
  • 2

    adi. stramp, maturli, mataran Copie

    [CO] (che al manifeste alc di strani)
    che pensieri balzani! = ce ideis strambis!

monolengâl

stramp s.m., adi.
[BF] Di cdn., che nol cjamine dret o des gjambis, che a son stuartis e no permetin di cjaminâ in maniere normâl
sinonims
stuart, imberlât, scalembri, scudulât, disombolât, strupiât, çuet
esemplis
"el puer peçotôs, dut rot, sence cjapiel, dut dispetolât, stramp e çuet al entre inta cjase di contadins"
gjavât fûr di "Ipocrisie, ipocrisie, el Signôr ti cjastie" di Dolfo Zorzut
"son di chês come fusetis / tant ben fatis, bielis, dretis / che, a dî il just, / a cjalâlis al è un gust; / ma son chês po che àn lis giambis / come troncs o stecs o strambis"
gjavât fûr di "Ai bagns" di Maria Gioitti Del Monaco
stramp adi., s.m.
Che, cui che al à compuartaments o formis di pensâ che si slontanin de norme sociâl
sinonims
curiôs, strani, origjinâl, strambalât, strambere, strambel, matucel, maturli, stravagant, scalembri
esemplis
"il vicjari al saveve che al jere pôc ce resonâ cun chel «tomo» [...] Al jere stramp ma, dopo dut, al servive ben"
gjavât fûr di "I sioperos dal muini" di Pieri Menis
"par sei stramp al jere simpri stât stramp, di piçul insù. Al barufave cun ducj, al jere arogant, al veve simpri reson lui, nol veve nissun rispiet"
gjavât fûr di "Stramp" di Laurin Zuan Nardin
"un stramp, un diaulat, un voie di fâ nie, che nol veve fat un colp se no ce che i pocave"
gjavât fûr di "Par stradis lungjis" di Alan Brusini
stramp adi.
Che nol è solit, normâl, usuâl
sinonims
curiôs, fûr dal ordenari, fûr dal solit, fûr dal vade, origjinâl, particolâr, singolâr, strambalât, strambel, stravagant, ecezionâl, straordenari, strani, insolit
esemplis
"i siei i vevin metût non "Aristico", un non stramp intonât cul personâl"
gjavât fûr di "Pre Pitin" di Antoni Beline
"un bon om [...] e tant cjandit che al prestave fede a dutis chês che i disevin, par strambis che a fossin"
gjavât fûr di "Mondo birbo" di Meni Ucel
stramp s.m.
Ce che al è fûr dal ordenari
sinonims
strani
esemplis
"a publicâ une notizie di cheste fate si po vignî acusâts [...] di manie di fâ viodi nome il mâl, il sporc, il stramp, il misar"
gjavât fûr di "Dopo 50 agns lavôr ancjemò" di Riedo Pup
torne sù

cognons

Balzàn, Balzani, Balzano
De Campo 2003, 69 al segnale il batisim di Giovanni de Balzan a Trave di Lauc tal 1578, uniche atestazion di chest cognon in chê localitât. O stimìn che si trati di un erôr di leture o di trascrizion par  Balzar, cognon che al à plui documentazion: 1493 Gaspare q. Leonardo de Balzar di Trava (AB), 1516 Leonardo q. Gaspare Balzario di Trava (AB), 1581 Gio. de Balzar giurato di Trava (segnalazions di G. Fantini in De Campo 2003, 110). Balzan / Balzano si podarà, forsit, colegâ al talian balzana o ben, par Cerruti, “guarnizion che si interpon bande la estremitât des viestis, blancjarie e similis". In merit al adietîf balzano, “si lu dîs dai cjavai che a àn i pîts segnâts di blanc e il mantel di un altri colôr" (ibidem). Il significât di “balçan, stramp" al dipent dal caratar cognossût dal cjaval balçan (DELI) e, stant che chê acezion e je documentade almancul dal Cuatricent, o calcolìn plausibil che e puedi vê concorût a formâ il cognon. Dutis trê lis formis cognominâls si lis cjate a Udin. Balzan al è cognon belumat, ma si lu cjate ancje inaltrò tal Venit; Balzani al è romagnûl e slargjât in maniere varie di altris bandis; Balzano al è massime napoletan e dal Sud (CI 143).
torne sù