Tu âs cirût la peraule
bilengâl monolengâl cognons
Tu âs cirût la peraule
band
torne indaûr

bilengâl

band s.f.inv.
  • 1

    s.f.inv. bande, band Copie

    [ES], [TS] mus. (complès jazz)

    s.f.inv. bande, band Copie

    (complès rock)

locuzions

monolengâl

bande s.f.
(ban-de)
Part di alc, soredut laterâl o periferiche o segnade in cualchi maniere rispiet a une pussibile sudivision
sinonims
lâts, part
esemplis
"in pîts su di une cjadree al tignive comizi de bande çampe de place"
gjavât fûr di "La cjase di Toni" di Tarcisio Venuti
"a cjaminin sù e jù par un troi de bande Nord dai Pireneus"
gjavât fûr di "Iñaki e Aitor" di Spirt Anonim
"la aghe e pâr verde e no si inacuarzaressisi che e corès se no fos la sbrume blancje che si ingrope des bandis"
gjavât fûr di "Lis aganis di Borgnan" di Catarine Percude
"I prâts a lavin jù des dôs bandis de Vorska in rivâi dolçs e luncs"
gjavât fûr di "Cjalant la rive" di Agnul di Spere
bande s.f.
(ban-de)
Estremitât di alc
sinonims
ponte
esemplis
"spostâ alc di une bande a chê altre di une stanzie"
gjavât fûr di "Cidulis" di Gianfranco Pellegrini
bande s.f.
(ban-de)
Superficie di alc, soredut in relazion a altris superficiis, plans o in relazion a une sudivision
sinonims
façade, lâts
esemplis
"Inte bande didentri dal sfuei di cuvierte al è scrit «Dono del prof. Volf»"
gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
bande s.f.
(ban-de)
Part politiche
sinonims
partît, fazion, part
esemplis
"al jere cernide cun siôr Toni, par vie che o sin simpri stâts sotans dai Savorgnans! Vevial di butàsi de bande dai strumîrs?"
gjavât fûr di "Strumîrs e Çambarlans" di Alviero Negro
bande s.f.
(ban-de)
Part di une famee
esemplis
"al somee propite che i vons de bande de mari di Casanova a sedin stâts furlans"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"gno nono de bande di gno pari nol à mai fumât"
gjavât fûr di "Sul florî" di AAVV
bande s.f.
(ban-de)
Grup di personis impegnadis intun conflit, soredut in azions iregolârs o di vuerilis
sinonims
briade, clape, compagnie, grop, grup, manie, schirie, scjap, scuadre, scuadron, sdrume, torme, trop, bandasse
esemplis
"si distacavin bandis di soldâts che a partivin par lâ a fâ raziis, a puartâ vie dut"
gjavât fûr di "La nestre storie" di Francesc Placerean
"la nobiltât furlane e tire dongje oms intal Friûl ocidentâl e, dopo di un scuintri sui magrêts de Ciline, e fâs scjampâ lis bandis dai rivoltôs"
gjavât fûr di "Il Friûl de Joibe Grasse dal 1511" di Carli Pup
bande s.f.
(ban-de)
Grup di delincuents
sinonims
clebe, drughe, ghenghe, manie, sdrume, torme, trop
esemplis
"il trafic des droghis al è l'afâr plui profitevul che lis bandis mafiosis a vebin inventât in Italie"
gjavât fûr di "La sgrife de mafie su la economie dal Nord" di Redazion il Diari
bande s.f.
(ban-de)
Cuantitât di personis che a àn in comun alc di negatîf (spres.)
sinonims
bandasse, conclave, messedot, clape, sdrume, scjap, trop
esemplis
"une bande di ignorants"
bande s.f.
(ban-de)
Grup di personis che a passin il timp insiemi (scherç.)
sinonims
briade, brigade, comitive, compagnie, crime, drughe, fradaie, ghenghe, grop, grup, manie, marcjade, partide, schirie, trop
esemplis
"[un luncmetraç] che al viôt tant che protagoniscj une bande di zovins"
gjavât fûr di "Il cine groenlandês tra art e impegn politic" di Fabian Ros
bande s.f.
(ban-de)
Grup di sunadôrs
sinonims
fanfare
esemplis
"dut il lûc al jere iluminât, a sunavin lis bandis, a traevin i mortalets"
gjavât fûr di "Il solt dal Signôr" di Catarine Percude
"a doi a doi vegnin drenti un vincj fra zovins e zovinis daûr di une bande di musicants"
gjavât fûr di "El cjaliâr sence paùre" di Dolfo Zorzut
bande s.f.
(ban-de)
Fasse di forme lungje e strente
sinonims
fasse, nastri, striche
esemplis
"da pît dal vistît e je une bande di sede"
bande s.f.
(ban-de)
[TS] (erald.) Figure gjeometriche semplice che metude di mût di passâ de part alte a man drete ae part basse a man çampe
sinonims
bende
bande s.f.
(ban-de)
[CO] (telecom.) Vt. bande di frecuence
bande s.f.
(ban-de)
Sfuei di metal
sinonims
bandon, late, lamarin
esemplis
"une scjatolete di bande"
gjavât fûr di "Sense" di Checo Tam
"di Viarte si fermin lis crôs des Rogazions, a meti il triangul jenfri dai claps, e rosis di prât tal bussul di crep o di bande, par denant"
gjavât fûr di "Cjase Basse" di Dino Virgili
bande prep.
(ban-de)
In direzion di
esemplis
" la sirene si le sint a clâr: no cor vie pe statâl, par lâ bande l'ospedâl: e ven in paîs"
gjavât fûr di "Cuant che l'Istât al finìs - Ogni etât la sô maravee" di Gianluca Franco
"cjapâ la strade statâl bande Nord"
gjavât fûr di "Sense" di Checo Tam
"Agnul fer su la puarte voltât bande Rosute i dîs [...]"
gjavât fûr di "Vilie di Nadâl" di Pieri Somede dai Marcs
bande prep.
(ban-de)
Te zone di, dongje di
esemplis
"ridusi il jet dal flum di 2500 a 800 metris, blocantlu bande Ruvigne, Sant Denêl e Dignan cun rivâi alts 4,5 metris"
gjavât fûr di "Jù lis mans dal flum de Patrie" di Luche Nazzi
detulis
"cuant che la siale e pent il spi, lu pent de bande dai puars"
"cuant che si sta mâl di une bande, si voltisi di chê altre"
"cui che al sta ben di une bande al cjate il mâl pront daûr de puarte"
"il mâl nol è dome di une bande"
"il tuart nol è mai dut di une bande"
"impare la art e metile de bande, il timp al vignarà che la art e valarà"
"l'arbul al cole di chê bande che al pent"
"l'arbul al cole di chê bande che al plee"
"si va a Rome di plui bandis"
torne sù

cognons

Band
In Friûl a son difondûts toponims che a àn par base Bant, dispès scrit Band, o ben “lûc bandît". In mancjance di rispuestis documentâls no si sintìn, però, di dâ une spiegazion “toponimiche" a chest cognon. Si lu cjate a Udin.
Banda
Cognon presint a Udin.
Bandelli
Diminutîf dal non antîc di persone, di divignince gjermaniche, Bando. Bonifacio 1995 al cite un Bandus de Grado che al viveve a Piran di Istrie intal 1360. Al è cetant slargjât a Gurize, dulà che al podarès jessi, però, la italianizazion di cognons tant che Bandelj e Bandeu; presint a Monfalcon (idem tant che par Gurize) e a Udin.
fonts
1721 Padre Antonio Bandeu Curato di Circhina (ACAU 729/4); 1746 Sig.ra Lucia Bandella Anima di Comunione di Monfalcone (ACAU 737); 1779 Matheo Bandel di S.to Daniele del Carso (ASU Perusini 81); 1788 Anton Bandel vicino della Communità di Mauchigna (ACAU 739/3).
Bandera
Bandère al podeve volê dî “bandiere"; mancul probabil di bandêr, che e podeve jessi une variante di bandâr, ven a stâi “stagnin". Par Rapelli 1995, al ven di un sorenon setentrionâl Bandèra o Bandéra, a segnâ forsit il puartebandiere di un grup di armâts. Intal 1287 Bandero a Glemone (Corgnali); intal 1583 Giuseppe q. Antonio Banderia da Portogruaro (Biasutti). Bandèra al è cognon massime lombart (CI 145). Presint a Maian (documentât dal Sîscent) e a Monfalcon.
fonts
1628 Eredi q. Zuan Dom.go Bandera di Lauzana, fittuale nobb. Colloredo (ASU Perusini 629); 1665 Nicolò Bandera, giurato della Vicinia di Mayano, presente a Confinazione beni del Monastero del Gonfalone di Venzone (ASU CRS 839/2); 1738 Dom.co Bandera fittuale in Maiano (ASU Barnaba 3.11). Atestazions di Bandiera: 1586 Vendicione di beni fatta per m.° Zuan Battista Bandiera di Portogr.° ai nobb. Panigai (ASU Panigai 215); 1791, ai 7 di Jugn Sig. Domenico Girussi q. dott. G.B. di Udine Duomo sposa Anna Maria Bandiera da Gorizia del Sig. Franc. che da 9 anni vive nel conservatorio delle Zitelle (Filze); 1805 Sig. Giuseppe Bandiera di Gorgo, debitore della Fraterna di S. Antonio Abbate di Teglio (ASU CRS 519).
Bandiera
Di un sorenon formât su bandiere. Si cjate a Aquilee (plui difondût intal Trevisan).
fonts
1586 Vendicione di beni fatta per m.° Zuan Battista Bandiera di Portogr.° ai nobb. Panigai (ASU Panigai 215); 1791, ai 7 di Jugn Sig. Domenico Girussi q. dott. G.B. di Udine Duomo sposa Anna Maria Bandiera da Gorizia del Sig. Franc. che da 9 anni vive nel conservatorio delle Zitelle (Filze); 1805 Sig. Giuseppe Bandiera di Gorgo, debitore della Fraterna di S. Antonio Abbate di Teglio (ASU CRS 519).
Bandiziòl
Dal toponim Bandiziol (che al ven di bando “lûc bandît"), al è presint a Cint e te zone di Puart. Il cognon si lu cjate massime a Puart e al è rapresentât a Pordenon; presint ancje in Lombardie e in altris puescj tal Nord de Italie e a Latina, tant che risultât di migrazions (CI 145).
Bandolìn
Forsit diminutîf di Bando, non medievâl di persone di divignince gjermaniche (v. De Felice 1978 sot Bandi). Presint a Tisane e a San Michêl dal Tiliment.
torne sù