Tu âs cirût la peraule
bilengâl monolengâl cognons
Tu âs cirût la peraule
bracco
torne indaûr

bilengâl

bracco s.m.
  • 1

    s.m. brac, cjan brac Copie

    [AU] (raze di cjan di cjace)
    bracco tedesco = brac todesc

    s.m. brac, cjan brac Copie

    (cjan di chê cualitât)
    il bracco seguiva le tracce della lepre = il brac al usmave il jeur

locuzions

monolengâl

braç s.m.
Ognidun dai doi articui superiôrs dal cuarp uman
esemplis
"Eliseo al si passave la man sui braçs, par vie che al sintive ancjemò lis crevaduris dai reumatics"
gjavât fûr di "Prime di sere" di Carlo Sgorlon
"un grant saludâ cui braçs e cu la vôs"
gjavât fûr di "Come tai romançs" di Alan Brusini
"siore Filumene e jere une femine severe e sberlone: la figure pesante, la muse complene, i braçs a triangul sui flancs"
gjavât fûr di "Par stradis lungjis" di Alan Brusini
braç s.m.
Cuantitât di materiâl che si pues cjapâ sù tai braçs intune volte sole
esemplis
"al passave lis gnots distirât sore un braç di fen"
gjavât fûr di "Cercandui" di Alan Brusini
"sul fogolâr al ardeve za il prin braç di manei di olnâr jenfri une çocje di rôl e une glove di morâr, il nadalin di chel an"
gjavât fûr di "Il pignarûl" di Pieri Menis
braç s.m.
Capacitât, voie, pratiche di lavorâ (fig.)
esemplis
"chei li a son partîts cui lôr braçs, la famee e nuie altri"
gjavât fûr di "La nestre storie" di Francesc Placerean
"par fâ chel tant coventave alc di plui che no braçs di cristian"
gjavât fûr di "Il puint dal Diaul" di Josef Cjargnel
"al è un brâf frutat, al à bogns braçs e cerviel"
gjavât fûr di "Chei di Muraie" di Pieri Menis
braç s.m.
Fuarce lavôr, int che e lavore (fig.)
sinonims
man
esemplis
"fameonis a la antighe, che a si tignivin unidis, cuntune vore di braçs che a lavoravin ce a cjase ce pal mont"
gjavât fûr di "Lis predicjis dal muini" di Josef Marchet
braç s.m.
Cui che al fâs alc in concret (fig.)
esemplis
"pai francês la France e je il braç di Diu: Gesta Dei per Francos"
gjavât fûr di "Cuintristorie dal Friûl fin sot la Italie" di Josef Marchet
braç s.m.
Grup operatîf di personis (fig.)
sinonims
man
esemplis
"il Sinn Féin – par agns considerât il braç politic dal IRA"
gjavât fûr di "Irlande: scuintris su IRA e Sinn Féin a menacin il procès di pâs" di Carli Pup
braç s.m.
[CO] (zool.) Orghin di forme slungjade tipic dai Invertebrâts
sinonims
çate
esemplis
"il braç di une stele di mâr"
"i braçs dai folps"
braç s.m.
Toc slungjât fis o mobil di alc
esemplis
"il braç de grue al è libar"
"i braçs dal lampadari"
"i braçs de belance"
"il braç de staderie"
"i braçs de crôs"
"si pleave jù dentri la ombrene vierte par tiere, a cusî un tondel, a cambiâ un braç o un mani"
gjavât fûr di "Il bal spasimât des ombrenis" di Maria Forte
braç s.m.
Ale di un edifici o di une grande struture sim.
sinonims
ale
esemplis
"il braç 2 de preson"
"a Bad Wanbrumn, in Alte Slesie, al jere a dilunc e a larc un braç dal lager di Auschwitz"
gjavât fûr di "Storie di Min" di Ivano Urli
braç s.m.
[CO] (fis.) Distance de rete di aplicazion di une fuarce dal pont dulà che si calcole il moment angolâr o il moment des fuarcis
braç s.m.
[CO] (metrol.) Unitât di misure di lungjece tradizionâl che in Friûl al corispuindeve in gjenar a 68 cm, di 64 cm pai tiessûts di sede
esemplis
"no rivave a comprâ nancje un braç di tele pal so frut"
gjavât fûr di "La fie çuete" di Maria Forte
" e molave jù un braç di cjavei bionts a pendolon"
gjavât fûr di "La aghe da pît la cleve" di Dino Virgili
detulis
"a cui che al file ben, rompii lis gjambis; a cui che al file mâl, rompii i braçs"
"cuant che a businin lis moscjis di Zenâr, slargje il braç piorâr; cuant che a businin lis moscjis di Fevrâr, strenç il braç piorâr"
"cui che i da il dêt al mat, al vûl il dêt cun dut il braç"
"l'om al à nome doi braçs"
"la buine femine e à di vê: braç di açâl, panze di furmie e lenghe scjampe vie"
"la femine e à di vê braçs di açâl, panze di furmie e lenghe scjampe vie"
"nissun sa cetancj braçs di budiei che o vin te panze"
"prin di maridâsi siet braçs e une lenghe, daspò maridadis siet lenghis e un braç"
"se si da la man bisugne dâ ancje il braç"
torne sù

cognons

Bracco, Brach
Brac al è il non di une raze di cjans e une varietât di sorc precoç come il Bergantìn (viodi). A Reane cun soròs brac si voleve dî di une varietât di soròs che al nas prime di chês altris, e plui basse. Duncje, al pues jessi che brac al volès dî "bas, piçulut" riferît a une persone. Infin, Brac al pues volê dî "vilan, miserabil" se riferît a un popul (Faggin, 1985). Maurizio Puntin mi sugjerìs une derivazion dal gjermanic Brach “svegrâ" e, duncje, di un toponim. Tal 1312 Odorlico q. Giacomo Brachi de Gemona (Biasutti). Tal 1434 iuxta pratum Nicolai Brac a Muimans (Ziani, 1999). Tal Schedari Corgnali: 1295 in terra Iacobi Brach a Glemone; 1302 Iohannis Brach a Dimponç; 1374 Guriano dicto Brach q. Iacobi de Muymaco; 1570 Ioannes Brachio a Pristint. La forme Bracco e je a Cormons e a Monfalcon; Brach a Aquilee, Tierç di Aquilee e Çarvignan.
fonts
1759, 21 di Avrîl Bracco Sig. Giovanni da Rocca Aspide officiale a Gemona disposte 3 pubblicaz. per sp. Antoniia di Franc. Fabris da Moggio (Filze); 1809 Giovanni Brach possiede due bovi e due cavalli in Muscoli (ASU Della Torre/B 30); 1890 Giovanni Brach di Muscoli (ACAU 719/10).
torne sù