Tu âs cirût la peraule
bilengâl monolengâl
Tu âs cirût la peraule
bruciare
torne indaûr

bilengâl

bruciare v.tr., v.intr.
  • 1a

    v.tr. brusâ Copie

    [FO] (consumâ, distruzi, disfâ cul fûc)
    l'incendio ha bruciato gli alberi = il fûc al à brusât i arbui
  • 1b

    v.tr. brusâ Copie

    [FO] (ruvinâ, vuastâ cun brusaduris, scotadis)
    ha bruciato il vestito con la sigaretta = al à brusât il vistît cul sigaret

    v.tr. brusâ, brustulâ Copie

    (ruvinâ il mangjâ cueint masse)
    attento a non bruciare le patate = atent di no brusâ lis patatis
  • 1c

    v.tr. brusâ, scotâ, sbrovâ, ustionâ Copie

    [FO] (fâ une scotade, une ustion)
    l'olio bollente gli ha bruciato un dito = il vueli bulint i à scotât un dêt

    v.tr. brusâ, scotâ Copie

    (ancje ass.)
    il sole brucia = il soreli al bruse
  • 1d

    v.tr. brusâ Copie

    [CO], [TS] med. (cauterizâ une feride)
  • 2

    v.tr. brusâ Copie

    [FO] (di motôr, machine, stue e v.i., consumâ un ciert materiâl par funzionâ)
    la stufa vecchia brucia molta legna = la stue viere e bruse une vore di lens

    v.tr. brusâ, spindisi Copie

    (in rivuart dal cuarp, di un organisim vîf, doprâ une cierte energjie)
    bruciare le riserve di energia = brusâ lis risiervis di energjie
  • 3

    v.tr. brusâ, roseâ Copie

    [FO] (di acit, consumâ un ciert materiâl)
  • 4

    v.tr. brusâ Copie

    [FO] (fâ secjâ pal cjalt o pal frêt une vore fuarts)
    il caldo eccessivo brucia la terra = il calôr spropositât al bruse la tiere
    la brina ha bruciato i rosai = la zulugne e à brusât i garofolârs
  • 5a

    v.tr. straçâ, spaçâ Copie

    [FO] (doprâ mâl)
    bruciare la giovinezza = straçâ la zoventût
    bruciare le vacanze = straçâ lis fiestis
  • 5b

    v.tr. brusâ Copie

    [CO] (ruvinâ la cariere di cdn.)
    lo scandalo ha bruciato il ministro = il scandul al à brusât il ministri
  • 6

    v.tr. brusâ, dâ il fum Copie

    [TS] sport (passâ denant dai aversaris ancje maniere nete, ancje te ultime part de gare o partide)
    bruciare gli avversari = brusâ i aversaris oppure dâ il fum ai aversaris
  • 7a

    v.intr. brusâ Copie

    [FO] (cjapâ fûc)
    il tetto del capannone bruciava = il cuviert dal capanon al brusave
  • 7b

    v.intr. brusâsi Copie

    [FO] (di mangjative, ruvinâsi cul masse cuei)
    gira la frittata, se no brucia = volte la fertaie che se no si bruse
  • 8

    v.intr. scotâ Copie

    [FO] (jessi une vore cjalt)
    la padella brucia = la fersorie e scote
  • 9

    v.intr. brusâ, ardi Copie

    [FO] (sintî une passion fuarte)
    brucia d'amore per lei = al art di amôr par jê

    v.intr. brusâ, ardi Copie

    (di sintiment che si pant cun fuarce)
    bruciare di rabbia = ardi di rabie
  • 10

    v.intr. brusâ Copie

    [FO] (di une part dal cuarp uman, jessi inflamade)
    mi bruciano gli occhi = mi brusin i voi

    v.intr. deventâ ros, jessi ros Copie

    (di une part dal cuarp, jessi rosse, cjalde une vore)
    bruciare in viso = jessi ros in muse
  • 11

    v.intr. brusâ Copie

    [FO] (iritâ la piel o altris parts dal cuarp)
    il sapone negli occhi brucia = il savon intai voi al bruse
  • 12

    v.intr. brusâ Copie

    [CO] (causionâ fastidi)
    il fallimento gli brucia = il faliment i bruse

locuzions

    bruciare i ponti
  • [CO] (cjale rompere i ponti)
    • bruciare i tempi
  • [CO] (cjale bruciare le tappe)
    • bruciare il paglione
  • brusâ il paionCopie
    [CO] (no mantignî ce che si veve prometût)
  • brusâ il paionCopie
    [CO] (lâ vie cence paiâ)
    • bruciare la terra sotto i piedi
  • brusâ la tiere sot i pîtsCopie
    [CO] (jessi in pericul, vê premure di lâ vie)
    non poteva restare, gli bruciava la terra sotto i piedi = nol podeve restâ, i brusave la tiere sot i pîts
    • bruciare le labbra
  • scjampâ di bocje, scotâ su la lengheCopie
    [CO] (di peraule, frase o discors che no si rive a tasê)
    una rispostaccia gli bruciava le labbra = une rispuestate e jere par scjampâi di bocje oppure i scotave su la lenghe
    • bruciare le tappe
  • cori la puesteCopie
    [CO] (progredî a volop in alc)
    in azienda ha bruciato le tappe e dicono che presto sarà direttore = in dite al à corude la pueste e a disin che in curt al sarà diretôr

monolengâl

brusâ v.tr.
(bru-sâ)
Fâ che alc al vegni cjapât dal fûc, par scjaldâsi, par fâ di mangjâ, par distruzi, par ritualitâts e v.i.
sinonims
ardi
esemplis
"Mine, se no fos stât pai lens che e brusave di Invier, no si sarès nancje mai dade pinsîr di chel biel toc di tiere"
gjavât fûr di "Il sium di Lissandri" di Franca Mainardis
"al tornâ in cusine e impiât un fulminant al brusà il testament su la cinise dal fogolâr distudât"
gjavât fûr di "La cjarande" di Pieri Somede dai Marcs
"cosacs e todescs a tornarin a passâ la Tor e a brusarin Nimis e Faedis e compagn a faserin sù pe Cjargne, obleant i partigjans a parâsi tai boscs"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
brusâ v.tr.
(bru-sâ)
Consumâ tant che combustibil
esemplis
"gracie a la fusion nucleâr che e bruse idrogjen, [lis stelis] a produsin energjie"
gjavât fûr di "Il Sisteme Solâr e lis sôs leçs" di Bepi Zefon
brusâ v.tr.
(bru-sâ)
Ruvinâ, vuastâ cun brusaduris, scotadis
sinonims
brusinâ, brustulî
esemplis
"al à brusât il vistît cul spagnolet"
brusâ v.tr.
(bru-sâ)
Fâ une scotade, une ustion
sinonims
scotâ, sbrovâ
esemplis
"il brût bulint i à brusât la lenghe"
brusâ v.tr.
(bru-sâ)
Fâ secjâ (fig.)
sinonims
secjâ, candî, incandî, arsî, cantesemâ
esemplis
"braidis brusadis dal sut, dulà che un riul di aghe par bagnâ nol rive mai"
gjavât fûr di "Dret e ledrôs" di Josef Marchet
brusâ v.tr.
(bru-sâ)
Fâ deventâ une vore cjalt (fig.)
esemplis
"la fiere lu brusave e la salive i bulive tal sgrasaiâr"
gjavât fûr di "La letare de mame" di Pieri Somede dai Marcs
brusâ v.tr.
(bru-sâ)
[CO] (med.) Cauterizâ une feride
brusâ v.tr.
(bru-sâ)
Di sintiment o sensazion, cjapâ une vore a fuart (fig.)
sinonims
ardi
esemplis
"chest amôr e cheste passion lu brusavin intune maniere, che ogni argoment al jere bon tant che pont di partence par rivâ a fevelâ di ce che a i stave a cûr"
gjavât fûr di "Il sium di Lissandri" di Franca Mainardis
"[une] ansie cence motîf, che e brusave la viele"
gjavât fûr di "Ombris tal infinît" di Carlo Sgorlon
brusâ v.tr.
(bru-sâ)
Finî dal dut o scuasi dal dut une risorse, un prodot e sim.
sinonims
fâ fûr, brusâ sù
esemplis
"inte prime zornade di licuidazions la int e à za brusât la robe miôr"
brusâ v.tr.
(bru-sâ)
Esaurî une fuarce, abilitât, un sintiment e v.i. (fig.)
sinonims
incandî, suiâ
esemplis
"al jere rivât insom, pardabon, strac, plui che strac, brusât dentri de ricercje de perfezion"
gjavât fûr di "Gjelât di cjocolate" di Spirt Anonim
brusâ v.tr.
(bru-sâ)
Lei dut tun colp (fig.)
esemplis
""Ti isal plasût il libri che ti ai prestât?" "Une vore, lu ai brusât in doi dîs""
brusâ v.tr.
(bru-sâ)
Vinci in maniere secje (fig.)
sinonims
fruçonâ, polverizâ, sbaraiâ, sdrumâ, dâ il fum
esemplis
"brusâ la concorence"
"brusâ un record"
brusâ v.tr.
(bru-sâ)
Ruvinâ lis pussibilitâts di sucès, soredut fasint pierdi il bon non o straçant oportunitâts o lant indevant intun moment o intune situazion che no dan sperancis
esemplis
"no vuei ni brusâ lis mês soluzions, ni i criteris gjenerâi che lis ispirin"
gjavât fûr di "Memoriis di politiche linguistiche" di Adrian Cescje
"[l'atacant] al controle malementri e al bruse une bale di aur"
gjavât fûr di "Udinese – Torino 1-1" di Marc Stolf
brusâ v.intr.
(bru-sâ)
Jessi cjapât des flamis e distrut dal fûc, fasint lûs e calôr
sinonims
ardi, brusâsi
esemplis
"il Pignarûl al bruse e al scjalde"
gjavât fûr di "Pignarûl" di Pro Loco Paîs di Sant Marc
"a àn piât fouc a Sant Zuan, zent. Dut a brusa, dut a mour, dut a lûs"
gjavât fûr di "I Turcs tal Friûl" di Pier Paolo Pasolini
brusâ v.intr.
(bru-sâ)
Jessi une vore cjalt
sinonims
scotâ, sbrovâ
esemplis
"ocjo cu la mignestre, che e bruse"
brusâ v.intr.
(bru-sâ)
Scotâ di fiere (fig.)
sinonims
bulî, sbrovâ, buiâ
esemplis
"ma tu tremis, anime, tu brusis ancje!"
gjavât fûr di "La salamandrie tal fûc" di Carlo Tolazzi
brusâ v.tr., v.intr.
(bru-sâ)
Dâ une sensazion di cjalt
esemplis
"o soi madûr, al è un soreli che al bruse, e la Sierade e pâr il mês di Lui"
gjavât fûr di "Tripoli bel sol d'amore" di Pieri Somede dai Marcs
brusâ v.tr., v.intr.
(bru-sâ)
Iritâ o dâ la impression di iritâ la piel o altris parts dal cuarp
esemplis
" lis gotis di sudôr i brusin tai voi"
gjavât fûr di "Madalene" di Franco Marchetta
"al butà jù une tace di scotch par distudâ il fogôr che i brusave la gose"
gjavât fûr di "Un piçul particolâr" di Fabian Ros
brusâ v.intr.
(bru-sâ)
Di une part dal cuarp, dâ une sensazion di iritazion o di cjalt e jessi rosse, par vie di une inflamazion o ancje di une emozion fuarte
sinonims
buiâ
esemplis
"la frutate e voltà la muse in bande a cjalâ tal nuie, i miluçs de muse i brusavin"
gjavât fûr di "La aghe da pît la cleve" di Dino Virgili
"si jevà sù strache, cul cjâf che i pareve di plomp, i vues rots, i voi che i brusavin come se e ves vût dentri une sgrafute di savalon"
gjavât fûr di "Chei di Muraie" di Pieri Menis
brusâ v.intr.
(bru-sâ)
Sintî un sintiment o une sensazion une vore a fuart (fig.)
sinonims
ardi
esemplis
"o brusavi de voie di savê cun precision cemût che a jerin ladis lis robis"
gjavât fûr di "Il dolfin" di Carlo Sgorlon
brusâ v.intr.
(bru-sâ)
Di sintiment o di sensazion, jessi vîfs (fig.)
sinonims
ardi, buiâ
esemplis
"su la bocje, i brusave ancjemò chê bussade di Rico"
gjavât fûr di "La Çucule" di Dino Virgili
brusâ v.intr.
(bru-sâ)
Dâ fastidi, displasê, rancûr, rabie e v.i.
sinonims
pesâ
esemplis
"dal sigûr no sarès colade in cierts fai che mi brusin ancjemò"
gjavât fûr di "Trê feminis" di Gianni Gregoricchio
"lis peraulis di Nando a brusavin tal stomi di Bepo"
gjavât fûr di "Une letare par Bepo" di Pieri Menis
"al po nome crodi se no mi bruse scugnî lassâ cheste citât sul moment che o scomençavi a compenetrâle! "
gjavât fûr di "Viaç a Vignesie" di Arturo Feruglio
brusâ v.intr.
(bru-sâ)
Fâ vignî pôre di consecuencis brutis, soredut di alc di ilegâl o disonest o injust (fig.)
sinonims
brusâ i dêts, scotâ
esemplis
"i bêçs che al imprestave a brusavin su la palme de man vierte"
gjavât fûr di "La aghe da pît la cleve" di Dino Virgili
brusâ v.intr.
(bru-sâ)
Interessâ une vore (fig.)
sinonims
buiâ, premi
esemplis
"al vûl comprâ la braide cul vignâl di siôr Simon che al è in vendite, e mi dîs di lâ a tratâ daurman… Lu à scrit dôs voltis te letare, come se chê robe i brusàs di vêle"
gjavât fûr di "La tiere di Lansing" di Maria Forte
detulis
"a brusâ lens verts, si fâs fum e no fûc"
"a brusâ patùs, si tire dongje cimis"
"al è miôr brusâ siet vilis che no pierdi un dirit"
"al è miôr che si brusi la cjase pluitost di gjavâ un miluçâr"
"finide la messe, brusade la cjandele"
"la bore o che e bruse o che e scote"
"miôr brusâ un paîs che no dismeti une usance"
"no si à di brusâ la cjase par netâ fûr i pulçs"
"plui si messede e plui si bruse"
"plui si volte e plui si bruse"
"une bree che no ten claut e je dome di brusâ"
torne sù
torne sù